ރައީސް ނަޝީދު ލަންކާގައި ދިރިއުޅުންވާ ދިވެހިންނާ ބައްދަލުކުރައްވާފި

އިނގިރޭސި ވިލާތުން ސިޔާސީ ހިމާޔަތް ހޯދައިގެން ހުންވި ކުރީގެ ރައީސް މުހައްމަދު ނަޝީދު ލަންކާގައި ދިރިއުޅޭ ދިވެހިންނާއި ބަންދަލުކުރައްވާފިއެވެ.

ލަންކާގެ މޮއުންޓްވިއާނިއާ ބެރޮޖިއާ ހޮޓެލްގައި ކުރިއަށްގެންދިޔަ މި ބައްދަލުވުމުގައި ވަނީ ގިނަ އަދަދެއްގެ އެމްޑީޕީގެ އާންމު މެމްބަރުނާއި ސަޕޯޓަރުން ބައިވެރިވެފައެވެ. މި ބައްދަލުވުމުގައި ބައިވެރިވި ދިވެހިންނާއި މުހާތަބްކޮށް ރައީސް ނަޝީދު ވަނީ ވަހަކަދައްކަވާފައެވެ.

އެ ބައްދަލުވުމުގައި ބައިވެރި ދިވެހިންނާއި އެކު ނަގާފައިވާ ފޮޓޯތަށް ދަނީ ސޯސަލް މީޑިއާގައި ދައުރުވަމުނެވެ.

ރައީސް ނަޝިދު ލައްކާއަށް ވަޑައިގެން އެމްޑީޕީގެ ލީޑަރޝިޕްގެ އިސްބޭފުޅުންނާއި ދަނީ ދިވެހި ރާއްޖޭގެ ސިޔާސީ މަޝްރަހާ ގުޅޭގޮތުން ވަކިން ހާއްސަކޮށް ޕާޓީގެ ހިންގުން ހަރުދަނާ ކުރުމުގެ ގޮތުން މަޝްވަރާ ބައްދަލުވުންތަށް ބާއްވަމުނެވެ.

ލަންކާގައި ކުރިއަށް ގެންދާ މަޝްވަރާތަކާގުޅޭ ގޮތުން އެމްޑީޕީގެ ޗެއާޕަޝަންގެ ނައިބް އަލީ ނިޔާޒު ވިދާޅުވީ ރައީސް ނަޝީދާއެކު ކުރިއަށް ގެންދެވޭ ކޮންމެ ބައްދަލުވުމަކީ އެމްޑީޕީއަށް ކާމިޔާބު ލިބޭނެ ބައްދަލުވުމެއް ކަމަށެވެ. މި ބައްދަލުވުންތަކުގައި ދިވެހިރާއްޖޭގެ ސިޔާސީ މަޝްރަހާ ގުޅޭ ގޮތުން ނިންމެވި މުހިންމު ކަންކަމުގެ މައުލޫމާތު ދިވެހި ރައްޔިތުންނާ ހިއްސާކުރައްވާނީ ރައީސް ނަޝީދު ކަމަށް އަލީ ނިޔާޒު ވިދާޅުވިއެވެ.

މި ބައްދަލުވުމުގައި ވަނީ ެ އެމްޑީޕީގެ އާންމު މެމްބަރުނާއި ސަޕޯޓަރުން ބައިވެރިވެފ

ބުރާސްފަތި ދުވަހު (މިއަދު) ބޭއްވި އެމްޑީޕީގެ ގައުމީ މަޖިލީހުގައި، އެމްޑީޕީގެ ރިޔާސީ ކެންޑިޑޭޓް ކަމުގެ މަޤާމަށް ޕާޓީގެ ރައީސް މުހައްމަދު ނަޝީދު ކުރިމަތިލެއްވުމަށް ލަފާ އަރުވާފައިވާ ކަމަށް ވެސް އަލީ ނިޔާޒް ވިދާވިއެވެ.

ކުރީގެ ރައީސް ނަޝީދު ލަންކާއަށް ކުރައްވާ ދަތުރުފުޅުގައި އެކި ގައުމުތަކަށް ނިސްބަތްވާ މަންދޫބުންނާ ވެސް ގެންދަވަނީ ބައްދަލުކުރައްވަމުންނެވެ.

ޓެރަރިޒަމްގެ ދައުވާކޮށް 13 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ، ރައީސް ނަޝީދު އިގިރޭސިވިލާތުގެ ހިމާޔަތުގައި ހުންނަވާތާ މިހާރު ވަނީ އަހަރު ދުވަސްވެފަ އެވެ. އިނގިރޭސި ވިލާތުގައި ހުންނެވުމަށް ފަހު މީގެ ކުރިން ވެސް އެ މަނިކުފާނު ވަނީ ލަންކާއަށް ވަޑައިގެންފަ އެވެ. އެފަހަރުވެސް ވަނީ ލަންކާގައި ދިރިއުޅޭ ދިވެހިންނާއި ބައްދަލުކުރައްވާފައެވެ.