އިންތިޚާބީ ރައީސް ސޯލިހް މިރޭ ރާއްޖޭން ބޭރަށް ވަޑައިގަންނަވަނީ
9 އޮކްޓޯބަރު 2018 | އަންގާރަ 13:03އެނބުރި ރާއްޖެ ވަޑައިގަންނަވާނީ މިމަހުގެ 10 ގައި
އިންތިހާބީ ރައީސް އިބްރާހީމް މުހައްމަދު ސޯލިހު
އިންތިހާބީ ރައީސް އިބްރާހީމް މުހައްމަދު ސޯލިހު (އިބޫ) ނުރަސްމީ ދަތުރުފުޅެއްގައި މިރޭ ރާއްޖެއިން ބޭރަށް ވަޑައިގަންނަވާނެ ކަމަށް އެމަނިކުފާނުގެ ތަރުޖަމާނު މާރިޔާ އަހުމަދުދީދީ ވިދާޅުވެއްޖެ އެވެ.
އިންތިހާބީ ރައީސް ސޯލިހުގެ އޮފީހުގައި އާދިއްތަ ދުވަހު ބޭއްވި ނޫސްވެރިންގެ ބައްދަލުވުމުގައި މާރިޔާ ވިދާޅުވީ އިންތިހާބީ ރައީސް ސޯލިހުގެ މި ދަތުރުފުޅަށްފަހު، މިމަހުގެ 10 ވަނަ ދުވަހު އެނބުރި ރާއްޖެ ވަޑައިގަތުމަށް ހަމަޖެހިފައިވާ ކަމަށެވެ. ނަމަވެސް އިންތިހާބީ ރައީސް ސޯލިހު ވަޑައިގަންނަވަނީ ކޮން ގައުމަކަށް ކަމެއް މާރިޔާ ވިދާޅެއް ނުވެއެވެ.
މިއީ ސެޕްޓެމްބަރު 23 ގައި ބޭއްވި އިންތިޚާބަށް ފަހު، ސޯލިހް ރާއްޖެއިން ބޭރަށް ވަޑައިގަންނަވާ ފުރަތަމަ ދަތުރުފުޅެވެ. ކެމްޕެއިންގެ ދުވަސްވަރު އަވައްޓެރި ސްރީލަންކާއަށް ވަޑައިގަތެވެ.
