އިންތިޚާބީ ރައީސް އިބްރާހިމް މުހައްމަދު ސޯލިހާއި ފައިސަލް ނަސީމް ޕޮލިސް ކަމިޝަނަރ ހަމްދޫން ރަޝީދާއި ބައްދަލު ކުރައްވައިފި އެވެ.
މި ބައްދަލު ކުރެއްވުމުގައި ކުރީގެ ޕޮލިސް ކަމިޝަނަރ އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒާއި ފުލުހުން އިންޓެލިޖެންސްގެ ކުރީގެ ވެރިޔާ މުޙައްމަދު ހަމީދު (އެމްސީ ހަމީދު) ބައިވެރިވެ ވަޑައިގެންނެވިއެވެ.
އިންތިޚާބީ ރައީސް ސޯލިހާއި ނަސީމް ޕޮލިސް ކަމިޝަނަރ ހަމްދޫނާއި ބައްދަލު ކުރެއްވި އިރު އޭނާގެ ކުރިން އެކްޓިންގ ކޮމިޝަނަރ އޮފް ޕޮލިސްގެ މަގާމުގައި ހުންނެވި އަބްދުﷲ ނަވާޒާއި ވަނީ މިދިޔަ މަހުގެ 25 ގައި ބައްދަލު ކުރައްވާފައެވެ.
ކޮމިޝަނަރ އޮފް ޕޮލިސްކަމުގެ މަގާމަށް ހަމްދޫން އައްޔަން ކުރައްވާފައިވަނީ މިމަހުގެ 1 ގައެވެ. އޭގެ ކުރިން ހަމްދޫން ރަޝީދު ހުންނެވީ އެސިސްޓެންޓް ކޮމިޝަނަރ އޮފް ޕޮލިސްގެ މަގާމުގައެވެ.
