ސީގަލް މެރައިންގެ ފިހާރައެއް ހުޅުމާލޭގައި ހުޅުވައިފި
ފިހާރަ ހުޅުވާފައި ވަނީ ސެޕްޓެމްބަރު 30 ވަނަ ދުވަހުގެ ރޭ
ހުޅުމާލޭގައި ހުޅުވި ސީގަލް މެރައިން ފިހާރަ
ސީގަލް މެރައިންގެ ފިހާރައެއް ހުޅުމާލޭގައި ހުޅުވައިފިއެވެ.
ސެޕްޓެމްބަރު 30 ވަނަ ދުވަހުގެ ރޭ މި ފިހާރަ ހުޅުވާފައި ވަނީ ހުޅުމާލޭ ނިރޮޅުމަގުގައެވެ.
ސީގަލް މެރައިން އިން ބުނީ އެ ފިހާރު ހުޅުވުމުގެ މަޤްސަދަކީ ކަސްޓަމަރުންނަށް އިތުރަށް ލުއިފަސޭހަ ކޮށްދިނުމުގެ ގޮތުން ކަމަށާއި ފިހާރައިގެ ސަބަބުން ކަސްޓަމަރުންނަށް އަވަސް ހިދުމަތްތަކެއް ފޯރުކޮށް ދެވިގެންދާނެ ކަމަށް އުންމީދު ކުރާ ކަމަށެވެ.
ފިހާރައިން ލިބެން ހުންނަ ބައެއް ބްރޭންޑްތަކަކީ އިންޓަރނޭޝަނަލް ޕެއިންޓް، ޕްލާސްޓިމޯ، ޕޮލިފޯރަމް ފެންޑާސް، ރޫލް ޕަންޕްސް، ސިކާ މެރައިންގެ އިތުރުން ޖަބްސްކޯއެވެ.
ކަސްޓަމަރުންނަށް އެންމެ ރަނގަޅަށް ހިދުމަތް ފޯރުކޮށްދިނުމަށްޓަކައި ސިގްމާ ޑެކަރޭޓިވް ޕެއިންޓްގެ ކުލަ މިކްސް ކުރާ މެޝިނެއް އަލަށް ހުޅުވި ފިހާރައިގައި ހުންނާނެ ކަމަށް ސީގަލް އިން ބުނެއެވެ.
ސީގަލް މެރައިން އަކީ ބޯޓް ބަނުމަށް ބޭނުންވާ ތަކެއްޗާއި ސަފާރީ ބޯޓު ފަހަރަށް ބޭނުންވާ ސާމާނާއި ނެވިގޭޝަން އިކުއިޕްމަންޓާއި މެރައިން ޕެއިންޓް އިމްޕޯޓްކޮށް އަދި ރީޓެއިލް ކުރާތާ 30 އަހަރުވެފައިވާ ކުންފުންޏެކެވެ.
