ކޮމިޝަނަރ އޮފް ޕޮލިސްކަމުގެ މަގާމަށް ހަމްދޫން ރަޝީދު އައްޔަނުކުރައްވައިފި
2 އޮކްޓޯބަރު 2018 | އަންގާރަ 04:57މީގެ ކުރިން ހަމްދޫން ހުންނެވީ އެސިސްޓެންޓް ކޮމިޝަނަރގެ މަގާމުގައި
ކޮމިޝަނަރ އޮފް ޕޮލިސްކަމުގެ މަގާމަށް އައްޔަންކުރެއްވި ހަމްދޫން ރަޝީދަށް ރައީސް އަބްދުﷲ ޔާމީން މަގާމުގެ ފަތްކޮޅު ހަވާލުކުރައްވަނީ
ކޮމިޝަނަރ އޮފް ޕޮލިސްކަމުގެ މަގާމަށް ހަމްދޫން ރަޝީދު ހައްޔަރުކުރައްވައިފިއެވެ.
މީގެ ކުރިން ހަމްދޫން ރަޝީދު ހުންނެވީ އެސިސްޓެންޓް ކޮމިޝަނަރ އޮފް ޕޮލިސްގެ މަގާމުގައެވެ. ހަމްދޫން އެމަގާމަށް އައްޔަންކުރައްވާފައި ވަނީ މިދިޔަ ފެބްރުއަރީ މަހުގެ 11 ވަނަ ދުވަހުއެވެ. އެމަގާމަށް އައްޔަންކުރެއްވި އިރު އޭނާ ހުންނެވީ ޗީފް ސުޕްރިންޓެންޑެންޓްގެ މަގާމުގައެވެ.
ހަމްދޫން ކޮމިޝަނަރގެ މަގާމަށް އައްޔަންކުރައްވާފައިވާއިރު މީގެ ކުރިން އެކްޓިންގ ކޮމިޝަނަރ އޮފް ޕޮލިސްގެ މަގާމުގައި ހުންނެވީ އަބްދުﷲ ނަވާޒްއެވެ.
ރިޔާސީ އިންތިހާބަށް ފަހުގައި ގުޅިފައިވާ ސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) އަށް 58.4 ޕަސެންޓާ އެކު ކާމިޔާބު ލިބުމާ އެކު ފުލުހުން ވަނީ ދިވެހި ރައްޔިތުންގެ ނިންމުން ދަމަހައްޓާނެކަން ހާމަކޮށްފައެވެ. ނަވާޒް ވަނީ އިންތިހާބީ ރައީސް އިބޫއާ ބައްދަލުކުރައްވާފައެވެ.
