ކޮމިޝަނަރ އޮފް ޕޮލިސް އަރީފް ޖަޕާނަށް ފުރާވަޑައިގެންފި
މި ދަތުރުފުޅަކީ ޖަޕާނުގެ ނޭޝަނަލް ޕޮލިސް އެޖެންސީގެ ދައުވަތަކަށް ކުރައްވާ ދަތުރުފުޅެއް
ކޮމިޝަނަރ އޮފް ޕޮލިސް އަހުމަދު އަރީފް --
ރަސްމީ ދަތުރުފުޅެއްގައި ކޮމިޝަނަރ އޮފް ޕޮލިސް އަހުމަދު އަރީފް ޖަޕާނަށް ފުރާވަޑައިގެންފި އެވެ.
ކޮމިޝަނަރ އޮފް ޕޮލިސް އަހުމަދު އަރީފް ޖަޕާނަށް ފުރާވަޑައިގެންފައިވަނީ ހޯމަ ދުވަހުގެ ވަގުތެއްގަ އެވެ. ކޮމިޝަނަރ އޮފް ޕޮލިސް ޖަޕާނަށް ކުރައްވާ މި ދަތުރުފުޅަކީ ނޭޝަނަލް ޕޮލިސް އެޖެންސީގެ ދައުވަތަކަށް ކުރައްވާ ދަތުރު ފުޅެއްކަމަށް ފުލުހުން ބުނެއެވެ.
ފުލުހުން ބުނީ ފުލުހުންގެ ދާއިރާއިން ދެ ގައުމުގެ މެދުގައިވާ ޒަމާންވީ ގުޅުންއެގޮތުގައި ދަމަހައްޓައި މި ގުޅުންތައް އިތުރަށް ބަދަހިކުރުމަށް ކުރެވެންހުރި ކަންކަމާމެދު މަޝްވަރާ ކުރާނެ ކަމަށެވެ.
ދިވެހި ފުލުހުންގެ ހިދުމަތް ތަރައްގީކޮށް ފުޅާކުރުމާ ގުޅޭގޮތުންނާއި ދިވެހި ފުލުހުންނަށް ބޭނުންވާ ތައުލީމާއި ތަމްރީންގެ ފުރުސަތުތަކާއި ގުޅޭގޮތުން ޖަޕާން ފުލުހުންގެ އިސްވެރިންނާއެކު މަޝްވަރާކުރެއްވުމަށް ހަމަޖެހިފައިވާ ކަމަށް ވެސް ފުލުހުން ބުނެއެވެ.
