އީރާނުގެ ވެރިކަން ބަދަލުކުރަން ސައުދީ އާއި ޔޫއޭއީ އިން ގޮވާލައިފި
28 ސެޕްޓެމްބަރު 2018 | ހުކުރު 05:53އީރާނުގެ ވެރިން އެ މީހުން އަމިއްލައަށް ވެރިކަން ދޫނުކުރާނެ
އީރާނުގެ ރައީސް ހަސަން ރޫހާނީ | ސީ.އެން.އެން
އީރާނުގެ ވެރިކަން ކުރާ ސަރުކާރު ބަދަލު ކުރަން ސައުދީ އަރަބިއްޔާގެ ޚާރިޖީ ވަޒީރާއި އެމެރިކާއަށް ކަނޑައަޅާފައި ހުންނަ ޔުނައިޓެޑް އަރަބި އެމިރޭޓްސްގެ ސަފީރު ގޮވާލައިފިއެވެ.
ނިއު ޔޯކުގައި ކުރިއަށްދާ އދ.ގެ ޖެނެރަލް އެސެމްބްލީގެ 73 ވަނަ ބައްދަލުވުމުގައި ސައުދީ އަރަބިއްޔާގެ ޚާރިޖީ ވަޒީރު އާދިލް އަލް ޖުބައިރު ވިދާޅުވީ އީރާނުގެ ވެރިން އެ މީހުން އަމިއްލައަށް ވެރިކަން ދޫ ނުކުރާނެ ކަމަށާއި އެހެންވެ އެއީ ބަދަލު ކުރަން ޖެހޭ ވެރިކަމެއް ކަމަށެވެ.
އެމެރިކާއަށް ކަނޑައަޅާފައި ހުންނަ ޔޫއޭއީ ސަފީރު ޔޫސުފް އަލް އުސައިބާ ވިދާޅުވީ އީރާނުގެ ވެރިކަން ބަދަލު ކުރަން ބޭރުގެ ޕްރެޝަރު ވަރަށް މުހިންމު ކަމަށެވެ.
މިހެން މި ދެގައުމު ބުނެފައިވާއިރު އެމެރިކާގެ ރައީސް ޑޮނަލްޑް ޓްރަމްޕް މަސައްކަތް ކުރައްވަނީ އީރާނުގެ ސަރުކާރު ވައްޓާލަން ކަމަށް އީރާނުގެ ރައީސް ރޫހާނީ ވަނީ އދ. ގެ 73 ވަނަ ޖެނެރަލް އެސެމްބްލީގައި ވިދާޅުވެފައެވެ. ޔޫއޭއީއާއި ސައުދީ އަރަބިއްޔާ އަކީ އެމެރިކާގެ ގާތް ދެ ރަހްމަތްތެރީންނެވެ.
