ކެންދޫ ކައުންސިލްގެ ތިޖޫރީ ވަގަށް ނަގައިފި
27 ސެޕްޓެމްބަރު 2018 | ބުރާސްފަތި 10:38ތިޖޫރީ ވަގަށް ނަގާފައިވަނީ ބުދަ ދުވަހުގެ ރޭ
ތަހާރަތު މުހައްމަދު ވަހީދު | 27 ސެޕްޓެމްބަރު 2018 | ބުރާސްފަތި 10:38
ބ.ކެންދޫ
ބ.ކެންދޫ ކައުންސިލްގެ ތިޖޫރީ ވަގަށް ނަގައިފިއެވެ.
ކެންދޫ ކައުންސިލްގެ ނައިބު ރައީސް އަހުމަދު އަބްދުއްރަޝީދު ރާއްޖެއެމްވީއަށް ވިދާޅުވީ ތިޖޫރީ ވަގަށް ނަގާފައިވަނީ ބުދަ ދުވަހުގެ ރޭ ކަމަށެވެ. އޭނާ ވިދާޅުވީ ތިޖޫރީގައި 188،925 ހުންނާނެ ކަމަށެވެ. މައްސަލަ މިހާރު އެ ރަށުގައި ތިބޭ ފުލުހުން ތަގުގީގު ކުރަމުން އަންނަ ކަމަށް އޭނާ ވިދާޅުވިއެވެ.
ފުލުހުންގެ މީޑިއާ އޮފިޝަލް ވިދާޅުވީ ތިޖޫރީ ވަގަށް ނެގުމުން އެއިދާރާއަށް ބުރާސްފަތި ދުވަހުގެ ހެނދުނު 8 ޖެހިއިރު އެމައްސަލަ ހުށައަޅާފައިވާ ކަމަށެވެ. އަދި އެމައްސަލަ ތަހުގީގު ކުރަމުންދާ ކަމަށް އޭނާ ވިދާޅުވިއެވެ. އެމައްސަލާގައި މިހާތަނަށް އެއްވެސް މީހަކު ހައްޔަރު ކޮށްފައެއް ނުވެއެވެ.
