ރައީސް ޔާމީނާއި އިންތިހާބީ ރައީސް އިބްރާހީމް މުހައްމަދު ސޯލިހް ބައްދަލުކުރައްވައިފި
މި ބައްދަލުކުރެއްވުން އޮތީ ރައީސް އޮފީހުގައި
އިންތިހާބު ކާމިޔާބުކުރެއްވުމަށް ފަހު އެމްޑީޕީ ހަރުގެ ސަރަހައްދުގައި އިބޫ އާއި ފައިސަލް އަދި ގުޅިފައިވާ ޕާޓީތަކުގެ އިސް ބޭފުޅުން އުފާފާޅުކުރައްވަނީ
ރައީސް އަބްދުﷲ ޔާމީނާއި އިންތިޚާބީ ރައީސް އިބްރާހީމް މުހައްމަދު ސޯލިހް (އިބޫ) އާ ބައްދަލުކުރައްވައިފިއެވެ.
މި ބައްދަލުކުރެއްވުން ކުރިއަށް ދިޔައީ ރައީސް އޮފީހުގައި ހެނދުނު 11:00 އިން ފެށިގެންނެވެ.
ބައިގަޑިއެއްހާއިރު ކުރިއަށް ދިޔަ މި ބައްދަލުކުރެއްވުމާ ގުޅޭ އެއްވެސް މައުލޫމާތެއް އެއްވެސް ފަރާތަކުން މިހާތަނަށް ހާމަކޮށްފައެއް ނުވެއެވެ.
އާދީއްތަ ދުވަހު ބޭއްވި ރިޔާސީ އިންތިހާބުގެ ވަގުތީ ނަތީޖާ ދައްކާ ގޮތުން 58 ޕަސެންޓުން އިބޫ ވަނީ އިންތިހާބު ކާމިޔާބުކުރައްވާފައެވެ. މި ކާމިޔާބީއާ ގުޅިގެން ރައީސް ޔާމީން ވެސް އަދި ސަރުކާރުން ވެސް މިހާތަނަށް އިބޫ އަށް މަރުހަބާ ދަންނަވާފައެއް ނުވެއެވެ. ނަމަވެސް ރައީސް ޔާމީންގެ ރަނިންގ މޭޓްގެ ގޮތުގައި އިންތިހާބުގައި ވާދަކުރެއްވި ޝެއިޚް މުހައްމަދު ޝަހީމް އަލީ ސައީދު ވަނީ މިއަދު ހެނދުނުގެ ވަގުތެއްގައި އިބޫ އަށް މަރުހަބާ ދަންނަވާފައެވެ.
