އައްޑޫގެ މެޖޯރިޓީ އާއި މައިނޯރިޓީގެ މިސާލު ބަހާއެކު ޝަވީދަށް ފާޑުކިޔުން!
15 ސެޕްޓެމްބަރު 2018 | ހޮނިހިރު 13:45މިސާލަކަށް ނެންގެވީ ފަލަސްތީނާއި އިޒްރޭލު
ނޫސްވެރިންގެ ބައްދަލުވުމެއްގައި ސަވީދު ވާހަކަ ދައްކަވަނީ
އައްޑޫގެ ސިޓީގެ މެޖޯރިޓީއާއި މައިނޯރިޓީއާ ގުޅޭގޮތުން ރައީސް ޔަމީންގެ އައްޑޫ ކެމްޕެއިން މެނޭޖަރ މުހައްމަދު ޝަވީދު ނެންގެވި މިސާލާއި ގުޅިގެން ގިނަ ބަޔެއްގެ ފާޑުކިޔުން އޭނާއަށް އަމާޒުވެއްޖެއެވެ.
އައްޑޫ ލައިވް ނޫހުން ރިޕޯޓްކޮށްފައިވާ ގޮތުގައި ރިޔާސީ އިންތިހާބާއި ގުޅޭގޮތުން ފުލުހުންނާއިއެކު ބޭއްވި ބައްދަލުވުމެއްގައި، އައްޑޫގައި ޕީޕީއެމްއަކީ މައިނޯރިޓީ ކަމަށް ޝަވީދު ވިދާޅުވެފައިވެއެވެ.
އެ ބައްދަލުވުމުގައި އައްޑޫގެ މެޖޯރިޓީއާ މައިނޯރިޓީ އާ ގުޅޭގޮތުން ޝަވީދު މިސާލު ނަންގަވާފައިވަނީ ފަލަސްތީނާއި އިޒްރޭލު މިސާލަު ދައްވަމުންނެވެ.
ޝަވީދު ވިދާޅުވެފައިވަނީ ފަލަސްޠީނާއި އިޒްރޭލަށް ބަލާއިރު ފަލަސްޠީނަކީ މައިނޯރިޓީ ކަމަށާއި ނަމަވެސް އެމީހުން ގާވެސް އުކާނެ ކަމަށެވެ.
" ފަލަސްތީނާއި އިޒްރޭލަށް ބަލާއިރު ފަލަސްޠީނަކީ މައިނޯރިޓީ، އެމީހުން ގާވެސް އުކާނެ، އަނެއްކޮޅުން މެޝިންގަން ހުންނައިރުވެސް" ޝަވީދު ވިދާޅުވިއެވެ.
ފަލަސްޠީނާއި އިޒްރޭލަށް ބަލާއިރު ފަލަސްޠީނަކީ މައިނޯރިޓީ ކަމަށް ޝަވީދު ވިދާޅުވާއިރު، އިޒްރޭލުގެ ޔަހޫދީންނަކީ ފަލަސްތީނުގެ މުސްލިމުންގެ ބިމަށް ގަދަކަމުން ވެރިގަނެގެން އުޅޭ ބަޔެކެވެ.
ފަލަސްތީނުގެ ބިމަށް ވެރިގަތުމަށްފަހު އިޒްރޭލުން އަންނަނީ ފަލަސްތީނުގެ އެތަކެއް ރައްޔިތުންނެއް ޝަހީދުކޮށް، ފަލަސްތީނުގެ ރައްޔިތުންގެ ގެތައް ސުންނާފަތި ކުރަމުންނެވެ.
ޝަވީދަށް ފާޑުކިޔުން އަމާޒުވީ ފަލަސްތީނުގެ ބިމަށް ގަދަ ބާރުން އަރައިގެންގެން އުޅޭ އިޒްރޭލަކީ މެޖޯރިޓީގެ ގޮތުގައި ފާހަގަކުރުމުންނެވެ.
އެ ބައްދަލުވުމުގައި ޝަވީދު އިތުރަށް ވިދާޅުވެފައިވަނީ އެމްޑީޕީއަކީ އައްޑޫގެ މެޖޯރިޓީކަން ދަނެގެން މައިނޯރިޓީއަށް އިހްތިރާމް ކޮށްގެން ކެމްޕެއިން ކުރުމަށެވެ.
