ރައްޔިތުންގެ މަޖިލީހުގެ 13 މެމްބަރެއްގެ ގޮނޑި ގެއްލުވާލަން އެންމެ އިސް މަސައްކަތް ކުރެއްވީ ރައީސް ޔާމީން ވިދާޅުވުމުން ސިފަވަނީ ފިރުއައުނު ދައްކަމުން ދިޔަ ޒާތުގެ ވާހަކަތަކާ ކަމަށް މިސަރުކާރުގެ ފުރަތަމަ ނައިބު ރައީސް ޑރ.މުހައްމަދު ޖަމީލު އަހުމަދު ވިދާޅުވެއްޖެއެވެ.
ލަންޑަނުގައި ދިރިއުޅުއްވަމުން ގެންދަވާ ޖަމީލު ކުރެއްވި ޓްވީޓެއްގައި ވިދާޅުވީ މިފަދަ ވާހަކަތައް ސިފަވަނީ ފިރުއައުނު ދައްކާ ޒާތުގެ ވާހަކަތަކާ ކަމަށާއި މިފަދަ ބޭފުޅަކު އިތުރު ފަސް އަހަރު ރައްޔިތުންގެ ލޭ ބޯން ނުބަހައްޓާ ގައުމު ސަލާމަތް ކުރަންޖެހޭ ކަމަށެވެ. އަދި ބޮޑެތި ޖަރީމާތައް ހިންގަވައިގެން ކުރެއްވި ގާނޫނީ ވެރިކަން ޣައިރު ގާނޫނީ ވެރިކަމަށް ކަނޑައެޅިގެންދާނެކަމަށެވެ.
"ޔާމީންގެ ވާހަކަތައް ސިފަވަނީ ފިރުއައުނު ދައްކަމުންދިޔަ ޒާތުގެ ވާހަކަތަކާ. މިފަދަ ޖައްދާލަކު އިތުރު 5 އަހަރު އެންމެންގެ ލޭ ބީން ނުބަހައްޓާ ގައުމު ސަލާމަތް ކުރަންވީ. ބޮޑެތި ޖަރީމާތައް ހިންގަވައިގެން ކުރެއްވި ވެރިކަން ޣައިރު ގާނޫނީ ކަމަށް ކަނޑައެޅިގެންދާނެ." ޑރ. ޖަމީލުގެ ޓްވީޓުގައި ވެއެވެ.
