ދީނީ ކާޑު ކުޅެން އުޅެނިކޮށް ފަޒުލަށް ކުރުސި ހަނދާން ނެތުމުން ފާޑުކިޔުން
28 އޯގަސްޓު 2018 | އަންގާރަ 17:07ދެފަހަރަކަށް ކުރުސި ކިޔަން މަސައްކަތް ކުރި
އެމްޑަބްލިޔޫއެސްސީގެ މެނޭޖިން ޑިރެކްޓަރ ފަޒުލް | އެމްޑަބްލިޔުއެސްސީ
ރައީސް ޢަބްދުﷲ ޔާމީން ބައިވެރިވެވަޑައިގެންނެވި ޕީޕީއެމްގެ ކެމްޕެއިން ޖަލްސާއެއްގައި އިދިކޮޅަށް ނިސްބަތްކޮށް އިސްލާމް ދީނުގެ ކާޑު ކުޅުއްވަން އުޅުއްވި އެމްޑަބްލިޔޫއެސްސީގެ އިބްރާހިމް ފަޒުލަށް އާޔަތުލް ކުރުސި އޮޅިއްޖެއެވެ.
އިދިކޮޅު ފަރާތްތަކަށް ނިސްބަތް ކުރައްވައި، ﷲ ސުބުޙާނަހޫ ވަތަޢާލާ ވޮޑިގެންވާކަން އެބޭފުޅުންނަށް ޔަޤީން ނުކުރެވުނީ ކަމަށް ފަޒުލު ވިދާޅުވެ ކުރުސި ކިޔުއްވަން އެތައް ފަހަރު މަސައްކަތް ކުރެއްވުމަށް ފަހު ހަނދުމަ ފުޅު ނެތުނީ ކަމަށް އަމިއްލައަށް އިއުތިރާފްވަމުންނެވެ.
ފަޒުލަށް އާޔަތުލް ކުރުސި ހަނދުމަފުޅު ނެތުމުން، ކުރިސި އިތުރަށް ކުރިއަށް ނުގެންދެވުމަށް އެ ވަގުތު ޖަލްސާގައި އިންނެވި ހައުސިން މިނިސްޓަރު ޑރ. މުއިއްޒު އަތުން އިޝާރަތް ކުރައްވަމުން ގެންދެވި މަންޒަރު ފެނުނެވެ.
ޕީޕީއެމްގެ ގިނަ ބޭފުޅުން ގެންދަވަނީ ޕޯޑިއަމް ތަކުގައި ވަރަށް ބޮޑަށް ދީނީ ކާޑު ކުޅުއްވަމުންނެވެ. ޚުދު ރައީސް ޔާމީންވެސް ވަރަށް ބޮޑަށް ދީނީ ކާޑު ކުޅުއްވަން މަސައްކަތް ކުރައްވާއިރު އެމަނިކުފާނު ނޫން މީހަކު ރާއްޖޭގެ ވެރިކަމަށް އަތުވެއްޖެނަމަ ރާއްޖެއިން އިސްލާމްދީން ފުހެވިގެން ހިނގައިދާނެކަމަށް ދޭހަވާ މިންވަރަށްވެސް ދަނީ ދީނީ ކާޑު ކުޅުއްވަމުންނެވެ.
ފަޒުލަށް އާޔަތުލް ކުރުސި ކިޔުއްވަން އެނގިވަޑައިނުގެން އުޅުއްވާ ވީޑިއޯ ސޯޝަލް މީޑިއާގައި ދައުރުވަމުންދާއިރު، އޭނާއަށް އަންނަނީ ވަރަށް ބޮޑަށް ފާޑުކިޔަމުންނެވެ.
