އިސްލާމް ދީނުގައި ކަމެއް އޮޅުން އަރައިފިނަމަ އެކަންކަން ސާފުކުރެވޭނެ ގޮތާއި ވަސީލަތަތައް އިތުރަށް ވަރުގަދަ ކުރައްވާ، އިސްލާމް ދީން ރައްކާތެރިކުރެވޭނެ ހުރިހާ ނިޒާމެއް ރައީސް އަބްދުﷲ ޔާމީން ގާއިމްކޮށްދެއްވާފައިވާ ކަމަމަށް ހޯމް މިނިސްޓަރު އަޒްލީން އަހްމަދު ވިދާޅުވެއްޖެއެވެ.
ގައުމީ އަދި ދީނީ ރޫހާއި ވަހުދަތު ދިރުވުމުގެ މަގްސަދުގައި ސަރުކާރުން ފެށި ގައުމީ މަޝްރޫއު "ތަރިކަ" އިފްތިތާހު ކުރުމަށް ދަރުބާރުގޭގައި ހޯމަ ދުވަހު ބޭއްވި ޖަލްސާގައި ވާހަކަ ދައްކަވަމުން ހޯމް މިނިސްޓަރު މުސްލިމުންގެ މެދުގައި އޮތް އިސްލާމީ ވަހުދަތު ނަގާލާއި މުސްލިމުންގެ މެދުގައި އެކަކު އަނެކަށް ނަފްރަތު އުފެދޭގޮތަށް ކަންކަން ބައްޓަން ކުރެވުމުންދާ ކަމަށެވެ.
އަޒްލީން ވިދާޅުވީ ދީނުގެ ތެރެއަށް ތާފާތު ބިދުއަތަށް ވައްދާ އިސްލާމް ދީނަކީ ހައްދު ފަހަނަ އަޅާފައިވާ ދީނެއްކަން ދެއްކުމަށް ވެސް ބަޔަކު މަސައްކަތް ކުރަމުންދާ ކަމަށެވެ. އަދި އެފަދަ ކަންކަން މަދުންނަމަވެސް ފެންނަމުންދާ ކަމަށް އެނާ ވިދާޅުވިއެވެ.
އެގޮތުން މިނިސްޓަރު އަޒްލީން ވަނީ ދިވެހިންގެ ތެރެއިން ބަޔަކު ފަރެންޖީނާއި ގުޅިގެން އިސްލާމް ދީނާ ގުޅޭ ގޮތުން ދައްކަވާ ވާހަކަތައް ގަބޫލުނުކުރުމަށް ގޮވާލާފައެވެ.
"އަޅުގަނޑުމެންގެ ތެރެއިން އުފެދޭ ބަޔަކާއި، ފަރަންޖީންގެ ބަޔަކު ދައްކާ ވާހަކަތައް، ނުވަތަ އެކަންކަމުގެ އަވައިގައި ޖެހި، ބަޔަކު ދައްކާހާ ވަހަކަތައް ގަބޫލުކުރާ ބަޔަކަށް އަޅުގަނޑުމެން ނުވަމާތޯ،" މިނިސްޓަރު އަޒްލީން ވިދާޅުވިއެވެ.
އޭނާ ވިދާޅުވީ އިސްމް ދީނަކީ ހައްދުފަހަނަ އަޅާފައިވާ ދީނެއް ކަމަށް ބުނާ މީހުންގެ އަވައިގައި ދިވެހިން ނުޖެހުމަށް ވަނީ އިލްތިމާސްކޮށްފައެވެ.
އިސްލާމް ދީނަކީ އުޅެން ފަސޭހަ ދީނެން ކަމާއި އެދީނުގައި އުޅެންވީ ގޮތް ކީރިތި ގުރުއާނާއި ރަސޫލާއި ސުންނަތުގައި ވަރަށް ސާފުކޮށް ބަޔާންކޮށްދީފައިވާ ކަމަށެވެ. މި ދެކަމުގައި ހިފަހައްޓާފިނަމަ މަގު އޮޅިގެން ނުދާނެ ކަމަށް ވެސް އޭނާ ވިދާޅުވިއެވެ.
