މިއަހަރުވެސް ދާއިރާގެ ރައްޔިތުންނަށް ކާޑު ފޮނުވާނަން: މުސްތަފާ

މި އަހަރުގެ ރަމަޟާން މަހުވެސް ދާއިރާގެ ހުރިހާ ރައްޔިތުންނަށް ކާޑު ފޮނުވާނެ ކަމަށް ތިމަރަފުށި ދާއިރާގެ މެމްބަރު މުހައްމަދު މުސްތަފާ ވިދާލުވެއްޖެ އެވެ.

ބުދަ ދުވަހު މުސްތަފާ ކުރެއްވި ޓްވީޓެއްގައި ވިދާޅުވީ ކާޑުގެ ބާވަތްތައް ކަމަށްވާ ހަނޑޫ، ހަކުރު އަދި ފުށުން ޑަބްލް އަގު ބޮޑުވިޔަސް މިއަހަރުވެސް ތިމަރަފުށި ދާއިރާގެ ހުރިހާ ރައްޔިތުންނަށް ކާޑު ފޮނުވާނަން ކަމަށެވެ.

މުސްތަފާ މީގެ ކުރިންވެސް ރަމަޟާން މަހަށް ތިމަރަފުށި ދާއިރާގެ ރައްޔިތުންނަށް ކާޑު ފޯރުކޮށްދީފައި ވެއެވެ.

ޒަމާނުއްސުރެން ރައްޔިތުންނަށް ހެޔޮއަގުގައި ފޯރުކޮށްދެމުދިޔަ ކާޑުގެ ބާވަތްތައް ކަމަށްވާ ހަނޑޫ ހަކުރު އަދި ފުށް އަގުހެޔޮ ކުރުމަށް ދޭ ސަބްސިޑީ، ރައީސް އަބްދުﷲ ޔާމީން އަބްދުލްގައްޔޫމްގެ މި ސަރުކާރުން ވަނީ ކަނޑާލާފަ އެވެ. އެހެންކަމުން ކާޑުގެ އަގު ޑަބަލް ބޮޑުވެގެން ގޮސް ގިނަ ރައްޔިތުން އެކަމާ ދަނީ ހިތްހަމަ ނުޖެހުން ފާޅު ކުރަމުންނެވެ.