ގަމުގައި މާރާމާރީ ހިންގަން އުޅުނު ބަޔަކު ހައްޔަރު ކޮށްފައިވާ ކަމަށް ފުލުހުން ބުނެފި
26 އޯގަސްޓު 2018 | އާދީއްތަ 08:07ހައްޔަރު ކޮށްފައިވަނީ ތިން މީހުން
ލ. ގަން، އެރަށުގައި މާރާމާރީ ހިންގަން އުޅުނު ތިން މީހުން ހައްޔަރު ކޮށްފައިވާ ކަމަށް ފުލުހުން ބުނޭ
ލ. ގަމުގައި ހޮނިހިރު ދުވަހުގެރޭ މާރާމާރީ ހިންގަން އުޅުނު ބަޔަކު ހުއްޓުވައި، މާރާމާރީ ހިންގުމަށް ބޭނުން ކުރާ ތަކެއްޗާއެކު ހައްޔަރު ކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ ހޮނިހިރު ދުވަހުގެރޭ 23:00 ހާއިރު ފުލުހުންގެ އިންޓެލިޖެންސާއި ލ. ގަން ޕޮލިސް ސްޓޭޝަން ގުޅިގެން ހިންގި އޮޕަރޭޝަނުގައި މާރާމާރީ ހިންގަން އުޅުނު ތިން މީހުން ހައްޔަރު ކޮށްފައިވާ ކަމަށެވެ. ހައްޔަރު ކޮށްފައިވަނީ 23 އަހަރުގެ ފިރިހެނަކާއި 24 އަހަރުގެ ފިރިހެނަކާއި 27 އަހަރުގެ ދެ ފިރިހެނުންނެވެ. މިހަތަރު މީހުން ވެސް ހައްޔަރު ކޮށްފައިވަނީ މާރާމާރީ ހިންގުމަށްޓަކައި ތައްޔާރުވެގެން ކާރެއްގައި ލ. ގަން ތުނޑި އާބާދުވި ސަރަޙައްދަށް ގޮސް އެސަރަޙައްދުގައި ތިއްބައެވެ. އަދި ކާރުތެރެއިން މިމީހުން ހައްޔަރު ކުރިއިރު އެމީހުން ތިބީ ކާކުކަން ނޭނގޭގޮތަށް މޫނުނިވައި ކޮށްގެންނެވެ.
މިމީހުން ހައްޔަރުކޮށް އެވަގުތު އެމީހުން ތިބި ކާރު ބަލައިފާސްކުރިއިރު ކާރުތެރެއިން ހުޑްތަކަކާއި ވަޅިއެއްގެ އިތުރުން ވިގެއް ފެނިފައިވާ ކަމަށް ފުލުހުން ބުނެއެވެ.
