ގުޅިފައިވާ ސިޔާސީ ޕާޓީތަކުގެ ވެރިކަމެއްގައި ފަގީރުންނާއި މުއްސަނދިންގެ ފަރަގުކުޑަ ކޮށްދޭނެ: އަލީ ޒާހިރު
21 އޯގަސްޓު 2018 | އަންގާރަ 08:04އިބޫގެ ވެރިކަމުގައި ކުލައަކަށް ފިކުރަކަށް ބެލުމެއް ނެތި ރައްޔިތުންގެ އުންމީދުތައް ހަގީގަތަކަށް ހަދައިދޭނެ
އަދާލަތު ޕާޓީގެ ނައިބްރައީސް އަލީ ޒާހިރު
ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު(އިބޫ)ގެ ވެރިކަމެއްގައި ފަގީރުންނާއި މުއްސަންދިންގެ މެދުގައި އޮތް ފަރަގުކުޑަ ކޮށްދޭނެ ކަމަށް އަދާލަތު ޕާޓީގެ ނައިބް ރައީސް އަލީ ޒާހިރު ވިދާޅުވެއްޖެއެވެ.
އިބޫގެ ވެރިކަމެއްގައި އިންކަމް ޓެކްސް ނަގާނެކަމަށް އިއުލާން ކުރެއްވުމާއި ގުޅިގެން އެކަމަށް ތައުރީފު ކުރައްވާ އަލީ ޒާހިރު ވިދާޅުވީ މިކަމުން ދޭހަވަނީ އިބޫގެ އިހްލާސްތެރިކަން ކަމަށާއި، އެމަނިކުފާނުގެ ކުރިމަތީގައި ދިވެހި ރައްޔިތުންނަކީ ހަމަހަމަ ބައެއް ކަމެވެ. ކުލައަކަށް ފިކުރަކަށް ބެލުމެއްނެތި އިބޫ އަމަލުކުރައްވާނެކަން މިހާރު އިބޫ ކުރައްވަމުން ގެންދަވާ ކެމްޕޭންގެ ދަތުރުފުޅުތަކުން ވެސް ރައްޔިތުންނަށް ފެންނާނެ ކަމަށް އަލީ ޒާހިރު ވިދާޅުވިއެވެ.
އަލީ ޒާހިރު ވިދާޅުވީ ވަށާޖެހޭ ޓެކްސްގެ ނިޒާމުން ނުހައްގު މުއްސަނދިކަން ނުހޯދޭނެ ކަމަށާއި، ފަގީރުންނާއި މުއްސަނދިންގެ ފަރަގުކުޑަ ކޮށްދޭ ނިޒާމެއް ކަމަށެވެ. އަދި އިންކަމް ޓެކްސް ނެގުމަށް ނިންމި ނިންމުމުން ލިބޭ އާމްދަނީ ކަނޑައެޅުމުގައި ކޮރަޕްޝަންއާ ދުރުވާނެ ކަމަށެވެ.
އަލީ ޒާހިރު ވިދާޅުވީ އިބޫގެ މިނިންމެވުމަކީ ކޮރަޕްޝަނާއި ފަސާދަ ހުއްޓުވުމަށް އެޅޭނެ ވަރަށް މުހިންމު ފިޔަވަޅެއް ކަމަށެވެ. އެހެންކަމުން މިއަހަރުގެ ރިޔާސީ އިންތިޚާބުގައި ކޮރަޕްޝަނަށް ނޫނެކޭ ބުނެ ތަނަވަސްކަން އެންމެހައި ރައްޔިތުންނަށް ހޯދައިދިނުމަށް މަސައްކަތް ކުރާ ލީޑަރަށް ވޯޓުދޭން ޖެހޭ ކަމަށް އަލީ ޒާހިރު ވިދާޅުވިއެވެ.
