އެންގޭޖްމަންޓަށް ފަހު ނިކް އާއިލާއާއިއެކު އެނބުރި އެމެރިކާއަށް
ނިކް އާއިލާ ފުރާފައި ވަނީ ހޯމަ ދުވަހު ހެނދުނު
ނިކް ޖޯނަސް އާއިލާ އާއި އެކު
ޕްރިޔަންކާ ޗޯޕްރާ އާއި ނިކް ޖޯނަސް ރަސްމީކޮށް އިންޑިއާގައި އެންގޭޖް ކުރުމަށްފަހު ނިކް އޭނާގެ އާއިލާ އާއިއެކު އެނބުރި އެމެރިކާ އަށް ފުރައިފި އެވެ.
އާއިލާ އާއި އެކު ނިކް ފުރާފައި ވަނީ ހޯމަ ދުވަހު ހެނދުނު އެވެ. މުމްބާއީ އެއަރޕޓަށް ނިކްގެ އާއިލާ ދިޔަ އިރު ޕަޕަރާޒީން ނަގާފައިވާ ފޮޓޯ ތަކުގައި ޕްރިޔަންކާ ފެނިފައެއް ނުވެއެވެ.
ޕްރިޔަންކާ އިންޑިއާގައި މަޑުކޮށްފައިވަނީ އޭނާ މިހާރު ޝޫޓްކުރަމުންދާ ފިލްމް "ދަ ސްކައި އިޒް ޕިންކް" ގެ ޝޫޓިންތައް ކުރިއަށް ގެންދިއުމަށް ކަމަށް ޚަބަރުތައް ބުނެއެވެ.
އެންގޭޖްމަންޓް ހަފްލާއަށް ނިކް އާއިލާ އާއި އެކު އިންޑިއާއަށް ގޮސްފައިވަނީ މިދިޔަ ހުކުރު ދުވަހު އެވެ.
މިދިޔަ ހޮނިހިރު ދުވަހު ރަސްމީކޮށް ޕްރިޔަންކާ އާއި ނިކްގެ އެންގޭޖްމަންޓް ހަފްލާ ބާއްވާފައިވަނީ އާއިލާގެ އުސޫލުތަކަށް އިހުތިރާމް ކުރުމަށް، އިންޑިއާގައި ކައިވެނި ކުރާ ސަގާފަތާއި އެއްގޮތަށެވެ.
ދެފަރާތުގެ އާއިލާ އެކުގައި ވަނީ ހުކުރު ދުވަހުގެ ރޭ ރޭގަނޑުގެ ކެއުމަށް އަށް ގޮސްފައެވެ.
އުމުރުން 36 އަހަރުގެ ޕްރިޔަންކާއާއި ނިކް، 25، ފުރަތަމަ ފަހަރަށް އެއްކޮށް ފެނިފައިވަނީ 2017 ވަނަ އަހަރު މެޓް ގާލާ އިންނެވެ.
