މާލޭގައި ނުރައްކާތެރި އެކްސިޑެންޓެއްގައި ހިނގައި މީހަކަށް ވަރަށް ބޮޑަށް އަނިޔާ ވެއްޖެ
15 އޯގަސްޓު 2018 | ބުދަ 20:24ސީރިއެސް އަނިޔާތަކެއް ލިބިފައި ވަނީ އަންހެނަކަށް
މާލޭގައި ހިނގި ނުރައްކާތެރި އެކްސިޑެންޓު
މާލޭގައި ނުރައްކާތެރި އެކްސިޑެންޓެއް ހިނގައި މީހަކަށް ވަރަށް ބޮޑަށް އަނިޔާވެއްޖެއެވެ.
ބުދަ ދުވަހުގެ ރޭ މެންދަމު 00:45 ހާއިރު ދެ ސައިކަލެއް ޖެހި، ހިނގި އެކްސިޑެންޓުގައި ދެ މީހަކަށް އަނިޔާވިއެވެ. އެކްސިޑެންޓުގައި އަނިޔާވީ އަންހެނަކާއި ފިރިހެނަކަށެވެ. މަޖީދީމަގާއި އަލިކިލޭގެފާނު މަގު ގުޅޭ ހަތަރު އަނގޮޅި ކަންމަތީގައި ހިނގި އެ އެކްސިޑެންޓުގައި ސީރިއަސް އަނިޔާތަކެއްވި އަންހެން މީހާގެ ފައި، ވަނީ ވަރަށް ބޮޑަށް ޒަހަމްވެފައެވެ
އެކްސިޑެންޓުވި ދެ ސައިކަލް
މަންޒަރު ދުއް މީހަކު "ރާއްޖެއެމްވީ"އަށް ބުނީ އެ އެކްސިޑެންޓު ހިނގީ ބާރު ސްޕީޑުގައި ދުއްވާފައި ދިޔަ ދެ ސައިކަލެއް ޖެހިގެން ކަމަށެވެ. އަދި އަންހެން މީހާއަށް ސީރިއަސް އަނިޔާތަކެއް ލިބިފައިވާއިރު، ފިރިހެން މީހާގެ ފަޔަށް ވެސް ކޮންމެ ވެސް ވަރަކަށް އަނިޔާވެފައިވާ ކަމަށް މަންޒަރު ދުއް މީހާ ބުންޏެވެ.
އެކްސިޑެންޓުގައި އަނިޔާވި ދެ މީހުން ވަނީ ފުލުހުންގެ އެހީތެރިކަމާއެކު، އައިޖީއެމްއެޗަށް ގެންގޮސްފައެވެ.
އެކަމާ ގުޅޭ ގޮތުން ފުލުހުންގެ ބަހެއް ވަނީ ލިބޭ ގޮތް ނުވެފައެވެ.
