ހަނިމާދޫ އެއާޕޯޓް ޖެޓީގައި އޮތް ލޯންޗެއް އަޑިއަށް ހިނގެއްޖެ
15 އޯގަސްޓު 2018 | ބުދަ 12:12ލޯންޗް އަޑިއަށް ދިޔައިރު ލޯންޗްގައި މީހަކު ނެތް
އަރުޝަމް އަބްދުލް ޢަޒީޒް | 15 އޯގަސްޓު 2018 | ބުދަ 12:12
ހަނިމާދޫ އެއަރޕޯރޓް ޖެޓީގައި އަޑިއަށް ދިޔަ ލޯންޗް ތިލަކުރުމުގެ މަސައްކަތް ކުރަނީ
ހދ. ހަނިމާދޫ އެއާޕޯޓް ޖެޓީގައި އޮތް ލޯންޗެއް އަޑިއަށް ހިނގެއްޖެ އެވެ.
އެމްއެންޑީއެފުން ބުނި ގޮތުގައި ހަނިމާދޫ އެއާޕޯޓް ޖެޓީގައި އޮއްވައި އަޑިއަށް ދިޔައީ ހދ.ކުޅުދުއްފުށީ "ކިރުނަ" ލޯންޗެވެ.
ލޯންޗް އަޑިއަށް ދިޔައީ އެމްއެންޑީއެފުން ބުނި ގޮތުގައި، ކަނޑުގަދަވެ، ދިޔަވެގެންނެވެ. މި ހާދިސާ ހިނގިއިރު، ލޯންޗްގައި އެއްވެސް މީހަކު ނެތެވެ.
އަޑިޔަށް ލޯންޗް ދިޔައިރު އޭގައި އެއްވެސް މީހަކު ނެތް
ބުދަ ދުވަހު މެންދުރު 13:51 ހާއިރު އަޑިއަށް ދިޔަ އެ ލޯންޗްގެ ދިޔަ ހިއްކައި، ފެނުން މައްޗަށް ނެގުނީ 14:30 ހާއިރު އެވެ.
ލޯންޗު ނެގުމުގެ މަސައްކަތުގައި ހަނިމާދޫ އެއާޕޯޓްގެ އެހީތެރިކަން ލިބުނު ކަމަށް ވެސް އެމްއެންޑީއެފުން ބުނެ އެވެ.
