ރައީސް ޔާމީން އިންތިޚާބަށް ކުރިމަތިލެއްވުމަށް ފޯމް ހުށައެޅުއްވުން މިއަދު
9 އޯގަސްޓު 2018 | ބުރާސްފަތި 03:54މިއަދު 10:15 ގައި އިލެކްޝަންސް ކަމިޝަނަށް ފޯމު ހުށައެޅުއްވުމަށް ވަޑައިގަންނަވާނެ
ރައީސް ޔާމީން
ރައީސް އަބްދުﷲ ޔާމީނާއި އެމަނިކުފާނުގެ ރަނިންމޭޓް ޑރ. މުހައްމަދު ޝަހީމް އަލީ ސައީދުގެ ކެންޑިޑެސީ ފޯމު އިލެކްޝަންސް ކަމިޝަނަށް މިއަދު ހުށައަޅުއްވާނެ ކަމުގެ މައުލޫމާތު ލިބިއްޖެއެވެ.
މައުލޫމާތު ލިބިފައިވާ ގޮތުގައި މިއަދު 10:15 ގައި އިލެކްޝަންސް ކަމިޝަނަށް ފޯމު ހުށައެޅުއްވުމަށް ވަޑައިގަންނަވާނެއެވެ.
ޕީޕީއެމުން ވެސް ވަނީ މިއަދު 10:15 ގައި އިލެކްޝަންސް ކަމިޝަން ކުރިމަތީގައި ވަރަށް ޚާއްސަ އިވެންޓެއް އޮތް ކަމަށް ހާމަކޮށްފައެވެ.
ޕީޕީއެމްގެ ރިޔާސީ ޓިކެޓް ރަސްމީކޮށް، ރައީސް ޔާމީނާއި ޝަހީމަށް ހަވާލުކުރައްވާފައި ވަނީ ޖުލައި މަހުގެ 29 ވަނަ ދުވަހުއެވެ.
މިހާތަނަށް ރިޔާސީ އިންތިހާބުގައި ވާދަކުރެއްވުމަށް އިލެކްޝަންސް ކޮމިޝަނަށް ފޯމް ހުށައަޅުއްވާފައި ވަނީ އެމްޑީޕީގެ ރިޔާސީ ކެނޑިޑޭޓް އިބްރާހިމް މުހައްމަދު ސޯލިހު (އިބޫ) އާއި އެމަނިކުފާނުގެ ރަނިންގ މޭޓް ފައިސަލް ނަސީމާއި އަމިއްލަ ގޮތުން ރިޔާސީ އިންތިހާބަށް ކުރިމަތިލުމަށް ފޯމް ހުށަހެޅުއްވި ދަފްތަރު 6562، ހުސައިން ނަސީރާއި އޭނާގެ ރަނިންގ މޭޓް ކަމަށް ކުރިމަތިލެއްވި ޝެއިހު ނަސްރުﷲ މުސްތަފާއެވެ.
