ރައީސް މައުމޫންގެ މައްޗަށްކުރާ ޓެރަރިޒަމްގެ ދައުވާގެ އަޑުއެހުމެއް ތާވަލްކޮށްފި
9 އޯގަސްޓު 2018 | ބުރާސްފަތި 02:59އަޑުއެހުން ތާވަލްކޮށްފައިވަނީ މެންދުރުފަހު 1:00 އަށް
ރައީސް މައުމޫން ކްރިމިނަލް ކޯޓަށް ހާޒިރުކުރަނީ
ކުރީގެ ރައީސް މައުމޫން އަބްދުލްގައްޔޫމްގެ މައްޗަށް ދައުލަތުން އުފުލާފައިވާ ޓެރަރިޒަމްގެ ދައުވާގެ އަޑުއެހުމެއް ބުރާސްފަތި ދުވަހަށް ތާވަލްކޮށްފިއެވެ.
މިއަޑުއެހެން ތާވަލްކޮށްފައިވަނީ ބުރާސްފަތި ދުވަހުގެ މެންދުރުފަހު 1:00 އަށްށެވެ.
ރައީސް މައުމޫނާއި ދެކޮޅަށް ޓެރަރިޒަމުގެ ދައުވާ ކުރަނީ 2013 ވަނަ އަހަރުން ފެށިގެން ފަނޑިޔާރުންނަށް ރިޝްވަތުދީގެން ހުކުމްތައް ވަކިގޮތަކަށް ނެރުމަށް ރައީސް މައުމޫން މަޖުރޫބުކޮށްފައިވާ ކަމަށް ބުނެއެވެ. ގާނޫނާ ޚިލާފަށް ސަރުކާރު ވައްޓާލުމަށް ރައްޔިތުންގެ މަޖިލީހުގެ ދަނގެތީ ދާއިރާގެ މެމްބަރު އިލްހާމް އަހުމަދާއި، މައްޗަންގޮޅީ ދެކުނު ދާއިރާގެ މެމްބަރު އަބްދުﷲ ސިނާނަށް ރިޝްވަތު ދިނުމުގެ އިތުރުން 1 ފެބްރުއަރީގައި ސުޕްރީމް ކޯޓުން އަމުރު ނެރުމުގައި ރައީސް މައުމޫން ނުފޫޒު ފޯރުވާފައިވާ ކަމަށް ވެސް ދައުވާގައި ބުނެފައި ވެއެވެ.
ދައުލަތުން ވަނީ ރައީސް މައުމޫނާ ދެކޮޅަށް 33 ހެއްކާއި ގަރީނާ ހުށަހަޅައިފައެވެ.
ރައީސް މައުމޫންގެ ދިފާއީ ހެކީގެ ގޮތުގައި 108 މީހަކާއި، 36 ލިޔުމަކާއި ޝަރީއަތުގެ ކުރިން ހުށަހަޅަންޖެހޭ ހުށަހެޅުމުގެ ގޮތުގައި 29 ހުށަހެޅުމެއް ކްރިމިނަލް ކޯޓަށް ހުށައަޅާފައި ވެއެވެ.
ރައީސް މައުމޫނުގެ މައްޗަށް ކުރާ ޓެރަރިޒަމްގެ ދައުވާގެ އަޑުއެހުމެއް ބުރާސްފަތި ދުވަހަށް ކްރިމިނަލް ކޯޓްގައި ތާވަލުކުރި އިރު އަދުލު އިންސާފަށް ހުރަސްއެޅިކަމަށްކަމަށް ބުނެ ދައުލަތުން އުފުލި ދައުވާ ސާބިތުވުމާއި ގުޅިގެން އެމަނިކުފާނު ގެންދަވަނީ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް ތަންފީޒު ކުރައްވަމުންނެވެ.
