އިންޑޮނޭޝިއާއަށް އައި ބިންހެލުމުގެ އެއްވެސް ނުރައްކަލެއް ރާއްޖެއަކަށް ނެތް: މެޓް
ރާއްޖެ ގަޑިން 16:46 ހާއިރު ސަމްބަވަ ސަރަހައްދަށް އައި އެ ބިން ހެލުމުގެ ބާރު މިނަކީ 6.7 މެގިނިޓިއުޑް
ބިންހެލުމުގެ ބިރެއް ރާއްޖެއަކަށް ނެތް
އިންޑޮނޭޝިއާއަށް އައި ބިންހެލުމާއިއެކު ސުނާމީގެ އިންޒާރު ނެރެފައިވާއިރު، ސުނާމީގެ އެއްވެސް އަސަރެއް ރާއްޖެއަށް ނުކުރާނެ ކަމަށް މޫސުމާއި ބެހޭ ގައުމީ އިދާރާއިން ބުނެފިއެވެ.
ހަތް މެގިނިޓިއުޑްގެ ބާރު މިނުގެ އެ ބިންހެލުން އުފެދިފައިވަނީ އިންޑޮނޭޝިއާގެ އުތުރު އައްސޭރިފަށުގެ 15 ކިލޯމީޓަރު އަޑިންނެވެ.
މޯލްޑިވްސް މީޓިއޮރޮލޮޖިކަލް ސާވިސްއިން ބުނެފައިވާ ގޮތުގައި ރާއްޖެ ގަޑިން 16:46 ހާއިރު ސަމްބަވަ ސަރަހައްދަށް އައި އެ ބިން ހެލުމުގެ ބާރު މިނަކީ 6.7 މެގިނިޓިއުޑެވެ. އިންޑޮނޭޝިއާގެ ސަމްބަވަ ސަރަހައްދަށް މީގެ ހަފުތާއެއް ކުރިން ވެސް ބިން ހެލުމެއް އައިސް 17 މީހަކު މަރުވެފައިވެއެވެ. ބިން ހެލުމާއެކު އިންޑޮނޭޝިއާއަށް ސުނާމީއެއްގެ އިންޒާރުވަނީ ނެރެފައެވެ. ނަމަވެސް މޯލްޑިވްސް މީޓިއޮރޮލޮޖިކަލް ސާވިސްއިން ކޮށްފައިވާ ޓްވީޓެއްގައި ބުނެފައިވަނީ، ރާއްޖެއަށް އެއްވެސް ނުރަށްކަލެއް ނެތް ކަމަށެވެ.
