ހުޅުމާލޭގައި ރޭ ޒުވާނެއްގެ ބޮލަށް ވަޅި ހަރައި ޒަޚަމް ކޮށްލައިފި
3 އޯގަސްޓު 2018 | ހުކުރު 04:38މާރާމާރީގައި ޒަހަމްވެފައި ވަނީ 22 އަހަރުގެ ޒުވާނެއް
ހުޅުމާލެ ހޮސްޕިޓަލް
ހުޅުމާލޭގައި ބުރާސްފަތި ދުވަހުގެ ރޭ ޒުވާނެއްގެ ބޮލަށް ވަޅި ހަރައި ޒަހަމްކޮށްލައިފިއެވެ.
ރާއްޖެ އެމްވީއަށް އެނގިފައިވާ ގޮތުގައި މި މާރާމާރީގައި ޒަހަމްވެފައި ވަނީ 22 އަހަރުގެ ފިރިހެނެކެވެ.
ހުޅުމާލެ ހޮސްޕިޓަލް ހިންގާ އަސަންދަ ކުންފުނީގެ މީޑިއާ އޮފިޝަލް އާސިޔާ ސޯލިހު ބައެއް މީޑިއާތަކަށް މައުލޫމާތު ދެއްވާފައިވާ ގޮތުގައި ބޮލަށް ޒަހަމް ލިބިގެން އެ ހޮސްޕިޓަލަށް ގެންދިޔަ ޒުވާނަކަށް ފަރުވާ ދީފައިވެއެވެ. ނަމަވެސް އޭނާގެ ހާލު މިހާރު ސްޓޭބަލް ކަމަށް އޭނާ ވިދާޅުވެފައި ވެއެވެ.
އެ ޒުވާނާ ހުޅުމާލެ ހޮސްޕިޓަލަށް ގެންގޮސްފައި ވަނީ ބުރާސްފަތި ދުވަހުގެ ރޭ 9:30 ހާއިރުއެވެ. ހުޅުމާލޭގައި ރޭ ޒުވާނެއްގެ ބޮލަށް ވަޅި ހަރައި ޒަހަމްކޮށްލާފައިވާ އިރު މީގެ ހަފުތާއެއްހާ ދުވަސްކުރިން ވެސް ހުޅުމާލޭގައި ދެ ޒުވާނަކަށް ވަޅިން ހަމަލާދީ ޒަހަމްކޮށްލާފައި ވެއެވެ. އަދި ފުލުފުލުގައި ތިން މާރާމާރީއެއް ހިންގާފައި ވެއެވެ.
