ބުދަ 19 ޖޫން 2019
03 އަދަ
1440 ޝައްވާލް 15
ފަތިސް 04:36
އިރުއަރާ 05:55
މެންދުރު 12:11
އަސްރު 15:35
މަޣްރިބް 18:20
އިޝާ 19:39
ދުނިޔެ - އަފްޣާނިސްތާނުގެ ހަމަނުޖެހުން

ޖާލާލްއާބާދުގެ ސަރުކާރު އިމާރާތަކަށް ވަދެ ބަޑިން ހަމަލާދީ 15 މީހުން މަރާލައިފި

  • 15 މީހުން މަރުވެ 15 މީހުން ޒަޚަމްވި ކަމަށް އޮފިޝަލަކު ވިދާޅުވޭ
  • އެތައް ގަޑިއިރުތަކަކަށް ހިޞާރު ދެމިގެންދިޔަ

އަބުދުﷲ މުހައްމަދު
8Abbo

ކ. މާލެ 1 އޯގަސްޓު 2018 | ބުދަ 07:57 1,978

އަންގާރަ ދުވަހު ޖަލާލްއާބާދުގައި ހަމަލާ ދެވުނު އިމާރާތުގެ ކައިރިއަށް ސަލާމަތީ ބާރުތަކުން ޖަމާވެފައި - އޭއެފްޕީ

އަފްޣާނިސްތާނުގެ އިރުމަތީގެ ސަރަހައްދެއް ކަމަށްވާ ޖަލާލްއާބާދުގެ ސަރުކާރު އިމާރާތަކަށް ދެ ހަނގުރާމަވެރިއަކު ވަދެ އެތައް ބަޔަކު ރަހީނުކުރުމުން ސަލާމަތީ ބާރުތަކުން އެ ދެ މީހުންނާ ކުރިމަތިލައިފިއެވެ.

ރެފިއުޖީންނާއި ހަނގުރާމައިގައި ގެއްލުން ލިބޭ ފަރާތްތަކަށް ބަދަލު ދިނުމުގެ ކަންކަން އިންތިޒާމްކުރާ އޮފީސް އަންގާރަ ދުވަހު ހިސާރުކުރީ އިމާރާތުގެ ދޮރުމަތީގައި މީހަކު ހަށިގަނޑު ގޮއްވާލައިގެން ދިން ހަމަލާއަކަށް ފަހުއެވެ. އެތައް ގަޑިއިރުތަކަކަށް ހިޞާރު ދެމިގެން ގޮސްފައިވާއިރު ދޭތެރެ ދޭތެރެއިން ބަޑީގެ އަޑާއި އެއްޗހި ގޮއްވާ އަޑު އިވެއެވެ.

ނަންގަހާރު ޕްރޮވިންސްގެ ތަރުޖަމާނު އަތާއުﷲ ޚޮގްޔާނީ ވިދާޅުވީ ހިސާރު ނައްތާލެވުނީ ދެ ހަނގުރާމަވެރިން މަރާލައި އިމާރާތުގެ ބޮޑުބައެއް ވެސް ހަލާކުވެގެން ކަމަށެވެ.

އޭނާ ވިދާޅުވީ 15 މީހުން މަރުވެ 15 މީހުން ޒަޚަމްވެފައިވާ ކަމަށާއި މީހުން ސަލާމަތްކުރުމުގެ މަސައްކަތްކުރާ ފަރާތްތަކުން ސަރަހައްދު ބަލަމުންދާއިރު މަރުވި މީހުންނާއި ޒަޚަމްވި މީހުންގެ އަދަދު އިތުރުވުން އެކަށީގެން ވާކަމަށެވެ.

ޕްރޮވިންސްގެ ކައުންސިލް މެމްބަރެއް ކަމަށްވާ ޝަހްރަބު ޤަދްރީ ވިދާޅުވީ އަށް މީހުން މަރުވެފައިވާއިރު 30 އަށް ވުރެ ގިނަ މީހުން ޒަޚަމްވެފައިވާނެ ކަމަށެވެ.

މި ހަމަލާގެ ޒިންމާ އެއްވެސް ޖަމާއަތަކުން އަދި އުފުލާފައެއް ނުވެއެވެ.

 

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް