އެމެރިކާގެ މަޝްހޫރު ފިލްމީ ތަރި ޖޯޖް ކްލޫނީ، 57، ޓީވީ ސީރީޒް ކެޗް-22 ގެ ޝޫޓިން ގެ މަސައްކަތް ކުރަމުން ދަނިކޮށް އެކްސިޑެންޓެއް ވީ މިމަހުގެ 10 ވަނަ ދުވަހުގެ ހެނދުނުއެވެ.
ޖޯޖް ކްލޫނީ އެކްސިޑެންޓްވީ ޝޫޓިންގައި ސްކޫޓަރުގައި ދަނިކޮށް ބާރު ސްޕީޑޫގައި ދުއްވާފައި ދިޔަ ކާރެއް އޯވަރޓޭކް ކުރަން އުޅުމުގެ ތެރޭގައެވެ. އަދި ކްލޫނީގެ ކަކުލަށް އަނިޔާ ލިބިފައި ވުމާއެކު ހޮސްޕިޓަލަށް ގެންދެވުމަށް ފަހު އެމްއާރްއައި. ސްކޭނެއް ހަދާފައިވާ ކަމަށް އެންބީސީން ރިޕޯޓް ކޮށްފައިވެއެވެ. މި އެކްސިޑެންޓުގައި ކުލޫނީ އަށް ލިބުނު އަނިޔާ އެހާ ސީރިއަސް ނުވުމުގެ ސަބަބުން މާ ލަސްތަކެއް ނުވެ އޭނާ ވަނީ ފަރުވާ ދިނުމަށްފަހު ހޮސްޕިޓަލުން ދޫކޮށްލާފައެވެ.
ޓީއެމްޒީއިން ރިޕޯޓްކުރާގޮތުގައި ޖޯޖް ކްލޫނީ މިހާރު ވަނީ އެނބުރި ކެޗް-22 ގެ ޓީމާ ގުޅިފައެވެ. ކެޗް-22 އަކީ ޖޯޖް ކްލޫނީގެ ޑައިރެކްޝަނާއި އެކްޓިން ފެނިގެންދާ ސީރީޒްއެކެވެ. މި ސީރީޒްއަކީ އެއީ ދެވަނަ ބޮޑު ހަނގުރާމައިގެ މައްޗަށް ޖޯސެފް ހެލަރ ލިޔެފައިވާ ފޮތެއް ކަމަށްވާ ކެޗް-22 އަސްލަކަށް ބަލައިގެން އެނަމުގައި ހަދާ ސީރީޒްއެކެވެ.
