ފަރްހާން އަހްތަރުގެ ތޫފާނާ ޕަރޭޝް ރާވަލް ގުޅިއްޖެ

ފަރްހާން އަހުތަރު ދަނީ އޭނާ ބޮކްސިން ތަޅާ މީހެއްގެ ރޯލުން ފެނިގެންދާ ފިލްމު ''ތޫފާން'' ގެ މަސައްކަތް ކުރަމުންނެވެ. އަސްލު ބޮކްސިން ތަޅާ މީހެއްގެ ކުލަ ފިލްމުގައި ޖެއްސުމަށް އޭނާގެ ޓްރެއިނިން ދަނީ ކުރިޔަށެވެ.

ފިލްމުގެ ޓީމަށް މިފަހަރު އެންމެ އުފާވެރި ހަބަރަކަށް ލިބިގެން ދިޔައީ ތަޖުރިބާކާރު އެކްޓަރު ޕަރޭޝް ރާވަލް އެ ފިލްމާއި ގުޅުނު ހަބަރެެވެ. ޕަރޭޝް ރާވަލް ފެނިގެން ދާނީ ފަރްހާންގެ ބޮކްސިން ކޯޗުގެ ރޯލުންކަން އިއުލާން ކޮށްފައިވަނީ ފަރްހާން ކުރި ޓްވީޓެއްގައެވެ. ޕަރޭޝްއާ އެއްކޮށް މަސައްކަތް ކުރަން ފުރުސަތު ލިބުމަކީ ލިބުނު ވަރަށް ބޮޑު އުފަލެއް ކަމަށް ފަރްހާންގެ ޓްވީޓްގައި އޭނާ ވަނީ ލިޔެފައެވެ.

މި ފިލްމު ޑައިރެކްޓް ކޮށްފައިވަނީ ފަރްހާންގެ ''ބާގްމިލްކާ ބާގް'' ވެސް ޑައިރެކްޓް ކޮށްފައިވާ ރާކޭޝް އޮމް ޕްރަކޭޝް މެހެރާއެވެ. ފިލްމާ ބެހޭ ގޮތުން އިތުރު މައުލޫމާތެއް ހިއްސާކޮށްފައެއް ނުވެއެވެ.