ކަލަންކްގެ ޓީމާ ކުނާލް ކޭމޫ ވެސް ގުޅިއްޖެ

ކަރަން ޖޯހަރުގެ ކުރިއަށް އޮތް ފިލްމުގެ "ކަލަންކް" ގެ ކާސްޓުން އިއުލާންކޮށް މިހާރު ވަނީ އެ ފިލްމުގެ ޝޫޓިން ފަށާފައެވެ.

ކަރަން ޖޯހަރުގެ ކަލަންކްގައި ހަރަކާތްތެރިވާ ތަރިންގެ ތެރޭގައި މަދޫރީ ޑިކްސިޓް، ސޮނާކްޝީ ސިންހާ، އާލިއާ ބަޓް، ވަރުން ދަވަން، ސަންޖޭ ދަތު އަދި އަދިތްޔަ ރޯއީ ކަޕޫރް ހިމެނެއެވެ. މިތަރިންގެ އިތުރުން ކަރަން ވަނީ އިތުރު ތަރިއެއް އެ ޓީމާ ގުޅުނުކަން އިއުލާންކޮށް ޓްވީޓް ކޮށްފައެވެ. އެއީ ފިލްމީ ތަރި ކުނާލް ކޭމޫއެވެ. ކުނާލްއަކީ ސައިފް އަލީ ހާންގެ ކޮއްކޮ އަދި ބަތަލާ ސޯހާ އަލީ ހާންގެ ފިރިމީހާއެވެ.

އަންނަ އަހަރުގެ އެޕްރީލް 19 ގައި މި ފިލްމު ރިލީޒްކުރާނެ ކަމަށް ކަރަން ވަނީ އިއުލާން ކޮށްފައެވެ. މިފިލްމު ޑައިރެކްޓް ކުރާނީ އަބީޝެކް ވަރްމާއެވެ.

"ކަލަންކް" އަކީ މީގެ ފަނަރަވަރަކަށް އަހަރު ކުރިން ކަރަން ޕްލޭންކޮށްފައިވާ ފިލްމެކެވެ. މިފިލްމުގައި ކިޔައިދޭނީ 1940 ވަނަ އަހަރުގެ ކުރީގެ ވާހަކަތައް ކަމަށް ކަރަން ވަނީ މީގެ ކުރިން ބުނެފައެވެ.

ކަރަންގެ ޚިޔާލީ ވާހަކަ ލިޔެފައި ވަނީ ވާހަކަ ލިޔުންތެރިޔާ ޝިބާނީ ބަތީޖާއެވެ.