މާލޭ މުނިސިޕަލްޓީގެ ދަފްތަރުގައި ރަޖިސްޓްރީވެފައިވާ ފަރާތްތަކުގެ ޚާއްޞަ ކެޓެގަރީތަކަށާއި މާލޭ މުނިސިޕަލްޓީގެ ދަފްތަރުގައި ރަޖިސްޓްރީވެފައިވާ ފަރާތްތަކަށް ޚާއްޞަ ކުރެވިފައިވާ ކެޓެގަރީގެ ދަށުން ދޫކުރާ އެއް ކޮޓަރީގެ ފުލެޓަށް ޕޮއިންޓް ދެވޭ ގޮތްތަކަށް ބަދަލުތައް ގެނެސްފިއެވެ.
މި ދެ ކެޓަގަރީއަށް ބަދަލު ގެނެސްފައިވާއިރު މި މަހުގެ 10 ވަނަ ދުވަހު ވެސް ވަނީ ޕޮއިންޓް ދޭ މިންގަނޑު ބަދަލު ގެނެސްފައެވެ. އެއަށްފަހު މިމަހުގެ 13 ވަނަ ދުވަހު ވެސް އެ މިންގަނޑަށް ވަނީ ބަދަލު ކޮށްފަ އެވެ.
ފްލެޓް ދިނުމުގައި ޕޮއިންޓް ދޭނެ މިންގަނޑު ތަކަކީ:
- ދަފުތަރުގައި ރަޖިސްޓްރީވެފައިވާތާ ފަސް އަހަރު ނުވާނަމަ: 10 ޕޮއިންޓް
- ދަފުތަރުގައި ރަޖިސްޓްރީ ވެފައިވާތާ 5 އަހަރުވެ، 10 އަހަރު ނުވާނަމަ: 20 ޕޮއިންޓް
- ދަފުތަރުގައި ރަޖިސްޓްރީ ވެފައިވާތާ 10 އަހަރުވެ، 15 އަހަރު ނުވާނަމަ :30 ޕޮއިންޓް
- ދަފުތަރުގައި ރަޖިސްޓްރީ ވެފައިވާތާ 15 އަހަރުވެ އިތުރުވެފައިވާނަމަ: 40 ޕޮއިންޓް
މާލޭގައި މެދުނުކެނޑި ދިރިއުޅުނު މުއްދަތަށް ޕޮއިންޓް ދޭ ގޮތް:
- މާލޭގައި ދިރިއުޅޭތާ 5 އަހަރު ނުވާނަމަ :އެއްވެސް ޕޮއިންޓެއް ނުލިބޭ
- މާލޭގައި ދިރިއުޅޭތާ 5 އަހަރުވެ، ދިހަ އަހަރު ނުވާނަމަ : 10 ޕޮއިންޓް
- މާލޭގައި ދިރިއުޅޭތާ 10 އަހަރުވެ، 15 އަހަރު ނުވާނަމަ : 15 ޕޮއިންޓް
- މާލޭގައި ދިރިއުޅޭތާ 20 އަހަރަށްވުރެ ގިނަ ވެފައިވާނަމަ:40 ޕޮއިންޓް. އާއިލާގެ ކުޑަބޮޑުމިނަށް ބަލައި، ޕޮއިންޓް ދޭ މިންގަނޑަށް މީގެ އިތުރުން ގެނައި އިސްލާހުގެ ދަށުން، މިހާރު ޕޮއިންޓް ދެނީ ދަރިން ތިބި އަދަދަށް ބަލާފަ އެވެ.
އާއިލާގެ ކުޑަބޮޑުމިނަށް ބަލައި ޕޮއިންޓް ދޭ ގޮތް
- ދަރިއަކު ނެތް ނަމަ:5 ޕޮއިންޓް
- ދަރިންގެ އަދަދު 1 ނަމަ: 10 ޕޮއިންޓް
- ދަރިންގެ އަދަދު 2 ނަމަ:15 ޕޮއިންޓް
- ދަރިންގެ އަދަދު ތިނެއް ނުވަތަ އެއަށް ވުރެ އިތުރު ނަމަ: 20 ޕޮއިންޓް
