ބަޣްދާދުގައި ކާރު ބޮމެއް ގޮއްވާލައި މަދުވެގެން 20 މީހުން މަރުވެއްޖެ

އިރާގުގެ ވެރިރަށް ބަޣްދާދުގައި ކާރު ބޮމެއް ގޮވައި މަދުވެގެން 20 މީހުން މަރުވެ އެތައް ބަޔަކު ޒަޚަމްވެއްޖެ ކަމަށް ފުލުހުންނާއި ސިއްހީ އޮފިޝަލުން ބުނެފިއެވެ.

މި ހަމަލާ ދީފައިވަނީ އެ ސިޓީގެ ހުޅަނގު ދެކުނުގައި އޮންނަ ޝިއައީން ގިނަ ޑިސްޓްރިކްޓެއް ކަމަށްވާ އާމިލްގައެވެ.

މި ފަހަކަށް އައިސް އައިއެސް ޖަމާއަތުން މިފަދަ ގިނަ ހަމަލާތަކެއް ދީފައިވީ ނަމަވެސް މިހާތަނަށް އެއްވެސް ޖަމާއަތަކުން މި ހަމަލާގެ ޒިންމާ ނަގާފައެއް ނުވެއެވެ.

މި ހަމަލާ އައިސްފައި މިވަނީ އައިއެސްގެ އަތްދަށުން މޫސަލް ހިފުމަށް ސަރުކާރުގެ ފައުޖުތަކުން މަސައްކަތްކުރަމުންދާ ދަނޑިވަޅެއްގައެވެ.

އެ ސިޓީގެ ހުޅަނގުގެ ސަރަހައްދުތައް ދޫކޮށް މިދިއަ މަހު 180،000 އަށްވުރެ ގިނައާއްމުން ނުކުމެފައިވެއެވެ.

ހޯމަ ދުވަހު ލިބުނު ރިޕޯޓްތައް ބުނާ ގޮތުން އައިއެސްގެ އަތުން ހަތިޔާރު ހުސްވުމަށްފަހު އެމީހުންވަނީ އިރާގު ފުލުހުންގެ ކާނަލަކާއި އިތުރު އަށް އޮފިސަރަކު ރަހީނުކޮށްފައެވެ.

ފުލުހުން ބުނީ ބަގްދާދުގެ ވިޔަފާރި ޑިސްޓްރިކްޓްގައި ހޯމަ ދުވަހު ދިން ބޮމުގެ ހަމަލާ ދީފައިވަނީ ކާރޫބާރު ބޮޑު ވަގުތެއްގައި ކަމަށެވެ.

ހަމަލާދީފައި މިވަނީ އިރާގުގެ ބޮޑުވަޒީރު ހައިދަރު އަލް އަބާދީއާއެކު އެމެރިކާގެ ރައީސް ޑޮނަލްޑް ޓްރަމްޕް ބާއްވަވާ ފުރަތަމަ ބައްދަލުވުމަށް ތައްޔާރުވެފައިވަނިކޮށެވެ.

އަބާދީ ދެއްވި ވީޑިއޯ ބަޔާނެއްގައި ވިދާޅުވީ އަބާދީ ބަޣްދާދުން ފުރާ ވަޑައިގެންނެވިއިރު އެ ގައުމު އޮތީ އައިއެސް ފޮހެލުމުގެ ފަހު މަރުހަލާގައި ކަމަށެވެ.