ތުރުކީގެ އިންތިޚާބު: ވޯޓްލުން ނިންމާލައިފި

ތުރުކީގެ ރިޔާސީ އިންތިޚާބާއި ގާނޫނުހަދާ މަޖިލީހުގެ އިންތިޚާބުގެ ވޯޓްލުން ނިންމައި ވޯޓް ފޮށިތައް ބަންދުކޮށްފިއެވެ.

ރައީސް ރަޖަބް ތައްޔިބް އޮރުދޮޣާންއަށް ފަސް އަހަރުގެ އިތުުރު ދައުރެެއް ދޭނެތޯ ނުވަތަ ނޫންތޯ މި އިންތިޚާބުގައި އެގައުމުގެ ރައްޔިތުން ނިންމާނެއެވެ.

އޮރްދޮޣާނަށްވަނީ އިދިކޮޅު ފަރާތްތަކުގެ ތާއިދު ލިބިފައިވާ ވާތުފިޔައިގެ މެދުމިނުގެ ކެނޑިޑޭޓް މުހައްރަމް އިންޗެގެ ފަރާތުން ގޮންޖެހުން ކުރިމަތިވެ ވަޑައިގެންފައެވެ.

ވޯޓް ލައްވަން ވަޑައިގެންް އޮރްދޮޣާންވަނީ ގިނަ ބަޔަކު ވޯޓުލުމަށް ނުކުންނާނެކަމަށް ވިދާޅުވެފައެވެ.

އިންތިޚާބުގެ ފުރަތަމަ ވަގުތީ ނަތީޖާތައް އާދީއްތަ ދުވަހު ލިބެންފަށާނެއެވެ.

އޮރްދޮޣާންއަށް އިތުރު ދައުރެއް ލިބިވަޑައިގެންފިނަމަ ވެރިކަމުގެ އިތުރު ބާރުތަކެއް އެމަނިކުފާނަށް ލިބިވަޑައިގަންނަވާއިރު ފާޑުކިޔާ ފަރާތްތަކުންދަނީ އެއީ ޑިމޮކްރަސީ އިތުރަށް ބަލިކަށިވާނެ ކަންތައްތަކެއްކަމަށް ބުނަމުންނެވެ.

ދެވަނަ ބުރަކަށް ވަޑައިނުގެން ފުރަތަމަ ބުރުން 50 އިންސައްތަ ވޯޓާއިއެކު އިންތިޚާބު ކާމިޔާބު ކުރެއްވޭނެކަމަށް އޮރްދޮޣާން އުއްމީދުކުރައްވައެވެ.

ރައީސްގެ މަގާމުގެ އިތުރުން ރައްޔިތުންވަނީ ގާނޫނުހަދާ މަޖިލީހަށް މެމްބަރުން ހޮވުމަށްވެސް ވޯޓް ދީފައެވެ.

ތުރުކީއަށް 2016 ވަނަ އަހަރު ގެންނަން އުޅެ ނާކާމިޔާބުވި ބަޣާވާތަށްފަހު އަދިވެސް އެގައުމުގައި އޮތީ ކުއްލިހާލަތު އިއުލާނުކުރެވިފައެވެ.

މި އިންތިޚާބު ބޭއްވުމަށް ކުރިން ރޭވިފައި އޮތީ 2019 ވަނަ އަހަރުގެ ނޮވެމްބަރު މަހު ނަމަވެސް އިންތިޚާބު އަވަސްކުރެއްވުމަށް ނިންމެވީ ރައީސް އޮރްދޮޣާނެވެ.