ރޭލެއްގެ ތެރޭގައި ވިހެއި ކުއްޖަކަށް ރޭލު ދަތުރުތައް ހިލޭ
ކުއްޖާ ވިހާފައި ވަނީ 15 މީހުންގެ އެހީތެރި ކަމާއެކު
ފްރާންސްގެ ރޭލު ސްޓޭޝަނެއް
ފްރާންސްގެ ވެރި ރަށް، ޕެރިހުގައި ހޯމަ ދުވަހު ދަތުރު ކުރަމުން ދިޔަ ރޭލެއްގެ ތެރެއަށް ވިހެއި ކުއްޖާއަށް 25 އަހަރު ފުރެންދެން ހިލޭ ރޭލުގައި ދަތުރު ކުރެވޭނެ އިންތިޒާމް ހަމަޖައްސައިފިކަމަށް ރިޕޯޓްތައް ބުނެފިއެވެ.
ޕެރިހުގެ މައި އެއްރޭލު ތެރެއަށް އެ ފިރިހެން ކުއްޖާ ވިހާފައި ވަނީ އެތައް ބައެއްގެ އެހީތެރި ކަމާއެކީ ހޯމަ ދުވަހުގެ ހެނދުނުއެވެ. ވިހެއުމުގައި ޖުމްލަ 15 މީހުން އެހީތެރިވިއިރު އޭގެ ތެރޭގައި ފުލުހުންނާއި ރޭލުގައި މަސައްކަތް ކުރާ މުވައްޒަފުން ވެސް ހިމެނެއެވެ. އެ ރޭލު ވަނީ ޕެރިހުގެ މެދުތެރޭގެ އައުބާ ސްޓޭޝަންގައި އެ ކުއްޖާ ވިހަންދެން މަޑުކޮށްފައެވެ.
ޕެރިހުގައި ޕަބްލިކް ޓްރާންސްޕޯޓުގެ ޚިދުމަތް ދޭ ސަރުކާރުގެ ކުންފުނި އާރްއޭޓީޕީން ފުރަތަމަ ބުނީ ރޭލެއްގެ ތެރޭ ޕަސިންޖަރަކު ބަލިވެއްޖެ ކަމަށެވެ. ނަމަވެސް ފަހުން ވަނީ ޕެރިހުގެ މެދުތެރޭގެ ކޮމިއުޓާ ލައިނެއްގައި ޕަސިންޖަރަކު ވިހައިފި ކަމުގެ ޔަގީން ކަންދިނުމަށްފަހު ދެ މައިންގެ ހާލު ރަނގަޅު ކަމަށް ބުނެފައެވެ. އެ ފުރުސަތުގައި އެ ކުޑަކުއްޖާ އަށް ހިލޭ ދަތުރުތައް ހަމަޖެއްސިކަން ވަނީ އިއުލާން ކޮށްފައި ކަމަށް ރިޕޯޓްތައް ބުނެއެވެ.
