ކުޑަހުވަދޫގައި ރޭ ހިންގި މާރާމާރީގައި ޒަހަމްވި މީހާ ހާލު ސީރިއަސް ވެގެން މާލެ ގެނެސްފި
8 ޖޫން 2018 | ހުކުރު 10:23މާރާމާރީގައި ޒަހަމްވީ ބިދޭސީ ފިރިހެނަކަށް
ކުނޑަހުވަދޫ ހޮސްޕިޓަލް--- | ގޫގުލް
ދ. ކުޑަހުވަދޫގައި ބުރާސްފަތި ދުވަހުގެ ރޭ ހިންގި މާރާމާރީއާ ގުޅިގެން ޒަހަމްވި މީހާ ހާލު ސީރިއެސް ވެގެން މާލެ ގެނެސްފިއެވެ.
ރާއްޖެއެމްވީ އަށް މައުލޫމާތު ދެއްވަމުން ދ. އަތޮޅު ހޮސްޕިޓަލްގެ މެނޭޖަރު ހުސެއިން ޝާކިރު ވިދާޅުވީ މާރާމާރީއާ ގުޅިގެން ޒަހަމްވެގެން އެހޮސްޕިޓަލަށް ރޭ ދަންވަރު ބިދޭސީ ފިރިހެނަކު ގެންދިޔަ ކަމަށާއި، މިހާރު އިތުރުފަރުވާ އަށް މާލެ ފޮނުވާލާފައިވާ ކަމަށެވެ.
ޝާކިރު ވިދާޅުވީ ބިދޭސީ މީހާގެ ބޮލަށާއި، މޫނަށް ޒަހަމްތަކެއް ލިބިފައިވާއިރު، އޭނާގެ ބޮލަށް ވަރަށް ބޮޑަށް އަނިޔާވެފައިވާ ކަމަށެވެ. އެމީހާ މާލެ ގެންދިޔައިރު މީހުންނާ ވާހަކަ ދެއްކި ނަމަވެސް ހާލަތު ސީރިއަސް ކަމަށް ޝާކިރު ވިދާޅުވިއެވެ.
މައުލޫމާތު ލިބިފައިވާ ގޮތުގައި މި މާރާމާރީ ހިންގީ ދެ ބިސީއެއްގެ ދެމެދުގައި ހިނގި ހަމަނުޖެހުންތަކަށް ފަހު އެވެ. މިމީހާއަށް ހަމަލާދީފައި ވަނީ އޭނާ ދިރިއުޅޭ ކޮޓަރީ ތެރޭގައި ކަމަށް ވެސް އެރަށު މީހުން ބުނެއެވެ.
މިމާރާމާރީއާ ގުޅިގެން މީހަކު މިހާތަނަށް ހައްޔަރުކުރި ކަމެއް ސާފުވެފައެއް ނުވާއިރު، މި މައްސަލައާ ގުޅިގެން ފުލުހުންގެ ބަހެއް ވެސް އަދި ވަނީ ލިބޭގޮތް ނުވެފައެވެ.
