އިންޑިއާގެ ކެރެލާގައި މިހާރު ފެތުރެމުންދާ ނުރައްކާތެރި ނިޕާ ވައިރަސް ޖެހިގެން 13 މީހަކު މަރުވެއްޖެއެވެ.

ނިޕާ ޖެހިގެން އެންމެ ފަހުން އާދީއްތަ ދުވަހު މަރުވީ އުމުރުން 26 އަހަރުގެ އަބިން ނަމަކަކަށް ކިޔާ އޮޓޯ ޑްރައިވަރެކެވެ. ޚަބަރުތައް ބުނާ ގޮތުގައި އޭނާއަށް ނިޕާ ޖެހިފައިވަނީ އެ ބަލި ޖެހިފައިވާ ބަޔަކު ދިރިއުޅުނު އޭނާގެ އާއިލީ ގެއަކަށް ގޮސްއުޅުމުގެ ތެރޭގައެވެ.

އިންޑިއާގެ ޑައިރެކްޓަރ އޮފް ހެލްތު ސާވިސަސް ޑރ.އާރު އެކް ސަރީތާ ވިދާޅުވީ ނިޕާ ވައިރަސްކަމަށް ޝައްކު ކުރެވޭ 22 މީހުންގެ ސާމްޕަލް ނަގާފައިވާ ކަމަށާއި އޭގެތެރެއިން އެކަކު ނިޕާއަށް ޕޮޒިޓިވް ވެފައިވާކަމަށެވެ.

އާދީއްތަ ދުވަހު ނިޕާއަށް ޝައްކުވެގެން 12 މީހަކަށް ފަރުވާ ދީފައިވާ ކަމަށާއި އޭގެ ތެރެއިން 6 މީހަކަށް އަދިވެސް ފަރުވާ ދެމުންދާކަމަށް ސަރީތާ ވިދާޅުވިއެވެ.

ޖަނަވާރުތަކުގެ ހަށިގަނޑުން ފެންނަ ނިޕާ ވައިރަސް އެންމެ ފުރަތަމަ ފެނިފައިވަނީ 1999 ވަނަ އަހަރު އޫރުގެ ހަށިގަނޑުންނެވެ. 

އާންމުކޮށް ނިޕާ ވައިރަސް ޖެހެނީ ވާލުގެ ޒަރިއްޔާއިން ކަމަށްވެއެވެ. ގައިންގަޔަށް އަރާ މިބަލި އިންޑިއާގައި މިފަހަރު ފުރަތަމައަށް ޖެހުނު މީހުންނަކީ ވާ ދަތް ޖަހާފައިވާ އަނބާއި އެހެނިހެން މޭވާ ކެއުމުގެ ސަބަބުން ވައިރަހުގެ އަސަރު ކުރި މީހުން ކަމަށް ވަނީ ލަފާކޮށްފައެވެ.