ވިލާ ޕެޓްރޯލް ޝެޑް ބަންދުކޮށްފިއެވެ.
25 ބުރި އަށް އިމާރާތް ކޮށްފައިވާ ދަރުމަވަންތަ ހޮސްޕިޓަލްގެ ދެކުނުން ހުރި ވިލާ ޕެޓްރޯލް ޝެޑް ބަންދުކުރީ ހޯމަ ދުވަހުގައެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުން ހޯމަ ދުވަހު ވިލާ ޕެޓްރޯލް ޝެޑް ބަންދުކުރީ ސަރުކާރުން އަންގައިގެން ކަމަށެވެ. އަދި އެތެން ބަންދުކުރަން 7 ވަރަކަށް މަސް ކުރިން ނޯޓިސް ދީފައިވާ ކަމުގެ މައުލޫމާތު ވަނީ ލިބިފައެވެ.
މިހާރު އެ ޝެޑްގައި ރޫޅާލުމުގެ މަސައްކަތް ވަނީ ފަށާފައެވެ.
މައުލޫމާތު ލިބިފައިވާ ގޮތުގައި ވިލާގެ ޕްޓްރޯލް ޝެޑް ބަންދުކުރިއިރު، އިންޑަސްޓްރިއަލް ވިލެޖުން ޕެޓްރޯލް ޝެޑެއް ހެދުމަށް ބިމެއް ވަނީ ދީފާއެވެ.
ވިލާ ޕެޓްރޯލް ޝެޑާ އިންވެގެން އެމްއެމްޕީއާރުސީ ކޮރަޕްޝަނުގައި ހިމެނޭ އެސްއޯއެފް އިން ކުރިން ހިންގި ޕެޓްރޯލް ޝެޑެއްވެސް ހުރެއެވެ. މައުލޫމާތު ލިބިފައިވާ ގޮތުގައި ވިލާ ޕެޓްރޯލް ޝެޑް ބަންދުކުރީ ދަރުމަވަންތަ ހޮސްޕިޓަލް ހުޅުވަންވާ އިރަށް، އެ ސަރަހައްދު ތަރައްގީ ކުރުމަށެވެ. އެހެންކަމުން އެ ހޮސްޕިޓަލަށް ހުޅުވުމުގެ ކުރިން އެސްއޯއެފް އިން ކުރިން ހިންގި ޕެޓްރޯލް ޝެޑްވެސް ރޫޅާލާނެއެވެ.
