އައްޑޫ އިން ދެ ކުދިން ގެއްލުން: އުއްމީދު ކަނޑާނުލާ ހޯދުމުގެ މަސައްކަތް އަދިވެސް ކުރިއަށް
27 އެޕްރީލު 2018 | ހުކުރު 14:00އެ މަސައްކަތް ކުރިއަށްގެންދާއިރު ކަނޑުގެ ބޮޑު ބައެއް އެމްއެންޑީއެފްގެ ކޯސްޓަގާރޑްގެ ޓީމުން ބަލާފައިވޭ
ދެ ކުދިން ހޯދުމުގެ މަސައްކަތުގައި އެމްއެންޑީއެފްގެ ކޯސްޓްގާރޑްގެ ލޯންޗެއް ހަރަކާތްތެރިވަނީ
މިދިޔަ ހޮނިހިރު ދުވަހު އައްޑޫ ިސޓީއިން ގެއްލުނު ދެ ކުންދިން ހޯދުމުގެ މަސައްކަތް އަދިވެސް ކުރިއަށްގެންދަމުން އަންނަކަމަށާއި، އުއްމީދު ކަނޑާނުލާކަމަށް އެމްއެންޑީއެފްއިން ބުނެފި އެވެ.
އެމްއެންޑީއެފްގެ އިންފޯރމޭޝަން އޮފިސަރ ކެޕްޓަން އިބްރާހީމް އާޒިމް ވިދާޅުވީ ދެ ކުދިން ހޯދުމުގެ މަސައްކަތް އަދިވެސް ކުރިއަށްގެންދަމުން އަންނަކަމަށާއި، އުއްމީދު ކަނޑާނުލާކަމަށެވެ. އަދި އެ މަސައްކަތް ކުރިއަށްގެންދާއިރު ކަނޑުގެ ބޮޑު ބައެއް އެމްއެންޑީއެފްގެ ކޯސްޓަގާރޑްގެ ޓީމުން ބަލާފައިވާކަމަށްވެސް އާޒިމް ވިދާޅުވި އެވެ.
އޭނާ ވިދާޅުވީގޮތުގައި ދެ ކުދިން ހޯދުމުގެ މަސައްކަތުގައި ގިނަ ޑައިވަރުން ހަރަކާތްތެރިވާއިރު، ދެ ކުންދިން ހޯދުމުގެ މަސައްކަތުގައި ޑައިވިންގ ރޮބެޓްގެ އެހީތެރިކަންވެސް އަންނަނީ ބޭނުން ކުރަމުންނެވެ. އެގޮތުން ރޮބެޓް މެދުވެރިކޮށްވެސް ކަނޑުގެ ބޮޑު ސަރަހައްދެއް ބަލާފައިވާކަމަށް އާޒިމް ވިދާޅުވި އެވެ.
ދެ ކުދިން މޫދަށްގޮސް އުޅެނިކޮށް ގެއްލުނު ސަރަހައްދު -- ފޮޓޯ: ރާއްޖެ.އެމްވީ
މިދިޔަ ހޮނިހިރު ދުވަހު މެންދުރެއްހާއިރު ގެއްލިގެން ހޯދަމުން ދަނީ ހިތަދޫ ޗަނބޭލީގޭ އަލީ ފަހުމީ، 17 އަހަރު އަދި ޓޮޕާޒް މަޔާމީން އަލީ، 14 އަހަރު އެވެ.
ހިތަދޫ ކޯއްޓޭ ސަރަހައްދަށް މިދަޔަ ހޮނިހިރު ދުވަހު މޫދަށް އެރިއުޅެނިކޮށް އޮއިގަނޑުގައި ޖެހުނު ތިން ކުދިންގެ ތެރެއިން އެއް ކުއްޖަކު، މީހަކު ގޮސް ސަލާމަތްކުރި އެވެ. ތިން ކުދިންގެ ތެރެއިން ސަލާމަތްވެފައިވަނީ އަލީ ރާއިފްއެވެ.
