ސާނިއާ މިރްޒާއަށް ދަރިއަކު ލިބެނީ
އެދެމީހުންނަށް ދަރިއަކު ލިބެން އުޅޭކަން ދެމީހުންވެސް ވަނީ ކަށަވަރު ކޮށްފައި
ސާނިއާ އާއި ޝުއައިބް
އިންޑިއާގެ ޓެނިސް ކުޅުންތެރިޔާ ސާނިޔާ މިރްޒާއާއި އޭނާގެ ފިރިމީހާ ޕާކިސްތާނުގެ ކްރިކެޓް ކުޅުންތެރިޔާ ޝުޢައިބް މާލިކަށް ދަރިއަކު ލިބެން އުޅޭކަން ހާމަކޮށްފިއެވެ.
ސާނިއާގެ އިންސްޓްގްރާމުގައި އޭނާ ލާފައިވާ ކުރެހުމުގައި ސާނިއާގެ ނަމާއި ޝުއައިބްގެ ފަހުނަން ޝުއައިބްގެ ނަން ޖަހާލުމަށް ފަހު ކުޑަކުދިންގެ ދެ ހެދުން ދެފަރާތުގައި ވަނީ ކުރަހާފައެވެ. އަދި އެ ފޮޓޯގެ ކެޕްޝަންގައި ޖަހާފައިވަނީ ބޭބީ މިރްޒާ މާލިކުއެވެ.
މިރްޒާވަނީ މީގެ ކުރިން އޭނާ ދީފައިވާ އިންޓަވިއުއެއްގައި އޭނާ އެންމެ ފުރަތަމަ ދަރިއަކަށް ބޭނުން ވަނީ އަންހެން ކުއްޖެއް ކަމަށާއި ފިރިމީހާ ޝުއައިބް ވެސް ބޭނުންވަނީ އަންހެން ކުއްޖެއް ކަމަށް ބުނެފައެވެ.
ސާނިއާ އިނީ ބަލިވެކަން ހާމަ ކުރުމަށް ޝުއައިބު ނެރުނު ސްޓޭޓްމަންޓެއްގައި ބުނެފައިވަނީ ދަރިއަކު ލިބޭތީ އޭނާ ހުރީ އުފަލުން ކަމަށާއި އެއީ އޭނާގެ ހަޔާތުގެ އާ ހަރުފަތަކަށް ދަތުރުކުރެވުނު ދުވަހެއް ކަމަށެވެ. އަދި އެދަތުރަށް އެދެމަފިރިން ތިބީ "ރެޑީ" ގައި ކަމަށް ޝުއައިބު ވަނީ ބުނެފައެވެ.
