ޝާހިދު ކަޕޫރުގެ އެއްބަނޑު ކޮއްކޮ އިޝާން ޓައްކަރުގެ ފިލްމު ބިޔޯންޑް ދަ ކްލައުޑްސް ސިނަމާތަކަށް އައިސްފައި ވަނީ މިދިޔަ ހުކުރު ދުވަހުގައެވެ.
މި ފިލްމު އިންޑިއާގެ 750 ސްކްރީނެއްގައި އަޅުވާފައިވާއިރު ހުކުރު ދުވަހު އެކަނި ވެސް އެ ފިލްމަށް ވަނީ 25 ކުރޯޑް އިންޑިއަން ރުޕީސް ލިބިފައެވެ.
މިފިލްމުގައި އިޝާންއާ އެކު ލީޑު ރޯލުން ފެނިގެންދަނީ މަލްވިލާ މޯހަނަން އެވެ. މީގެ އިތުރުން ގޯތަމް ގޯސް، ޝިވަމް ޕުޖާރީ އަދި ދުވާނީ ރާޖޭޝް ވެސް ބިޔޯންޑް ދަ ކްލައުޑްސް އިން ފެނިގެންދެއެވެ.
ބިޔޯންޑް ދަ ކްލައުޑްސްއަކީ އީރާންގެ މަޝްހޫރު ޑައިރެކްޓަރު މާޖިދު މާޖިދީ ލިޔެ ޑައިރެކްޓް ކޮށްފައިވާ ފިލްމެކެވެ.
ބިޔޯންޑް ދަ ކްލައުޑްސް ގައި ކިޔައި ދެނީ ފުރާވަރަށް އަރާފައިވާ ޔަތީމް ފިރިހެން ކުއްޖެއްގެ ވާހަކަ އެވެ. މި ފިލްމުގައި އިޝާން އަދާކުރާ ރޯލަށް ފިޓުވުމަށް އޭނާގެ ބަރުދަން އަށް ކިލޯ ލުއި ކުރަން ޖެހުނެވެ. ފިލްމުގެ ޝޫޓިން ފެށުމުގެ ކުރިން ބަރުދަން ލުއި ކުރުމަށް އިޝާން އަށް ލިބުނީ 12 ދުވަހެވެ .އަދި އޭނާ ވަނީ 12 ދުވަހުގެ ތެރޭގައި 8 ކިލޯ ލުއިކޮށްލާފައެވެ.
މި ފިލްމުގައި އިޝާން ދައްކާފައިވާ ހުނަރަށް ދަނީ ތަރުހީބު ލިބެމުންނެވެ.
