ސްޓާ ޕްލަސް އިން ގެނެސްދޭ ސްލެބްރިޓީ ޑާންސް ޝޯ "ނަޗްބަލިޔޭ" ސީޒަން 8 ގެ ފުރަތަމަ އެޕިސޯޑް ބޮލީވުޑް އެކްޓަރ ރަންބީރު ކަޕޫރު ހޯސްޓް ކުރާ ގޮތަށް ހަމަޖެހިއްޖެ އެވެ.
ފުރަތަމަ ޝޯ ރަންބީރު ހޯސްޓް ކުރި ނަމަވެސް ދެން ހުރި ޝޯތައް ހޯސްޓް ކުރުމަށް ހަމަޖެހިފައިވަނީ ކަރަން ޓައްކަރެވެ.
މި ޝޯގައި ޖަޖުންގެ ގޮތުގައި ފެނިގެން ދަނީ ބޮލީވުޑް އެކްޓްރެސް ސޯނާކްޝީ ސިންހާ އާއި ކޮރިއޯގްރާފަރ ޓެރެންސް ލެވިސް އަދި ޑައިރެކްޓަރ މޮހިތް ސޫރީއެވެ.
ނަޗްބަލިޔޭގެ މި އޯޕަނިން އެޕިސޯޑްގައި ރަންވީރު އޭނާގެ އަމިއްލަ ލަވަތަކަށް ޖަޖުންނާއި އެކު ނެށުން ހުށަހަޅައިދިނުމަށް ވަނީ ހަމަޖެހިފައެވެ.
މި ޝޯ އުފައްދާ ފަރާތްތަކުން ބުނި ގޮތުގައި ރަންބީރު ކަހަލަ ކުޅާދާނަ ނެށުންތެރިއެއް މި ޝޯގައި ބައިވެރިވުމަކީ ޝޯގައި ބައިވެރިވާ 10 ޖޯޑަށް ވެސް މޮޅަށް ނެށުމަށް ލިބިގެންދާނެ ވަރަށް ބޮޑު ހިތްވަރެއް ކަމަށެވެ.
ނަޗްބަލިޔޭ ސީޒަން 8 ހޯސްޓް ކުރުމަށް ކަރަން ޕަޓޭލް އާ އެކުވެސް ވާހަކަ ދެކެވުމުން ނަމަވެސް ފަހުންއެޑީލް ވަނީ ކެންސަލް ވެފައި ކަމަށް ޚަބަރުތައް ބުނެއެވެ.
އަންނަ އެޕްރީލް މަހުގެ ފުރަތަމަ ހަފްތާގައި ފެށުމަށް ހަމަޖެހިފައިވާ މި ޝޯ ހޯސްޓްކުރުމަށް ކަރަންއާއެކު ބައިވެރިވާނެ ދެވަނަ ފަރާތެއް އަދި ފައިނަލް ނުވާ ކަމަށާއި އަދިވެސް ދެ ވަނަ ހޯސްޓެއް ހޯދަމުންދާ ކަމަށް ޚަބަރުތައް ބުނެއެވެ.
