ޓޭލާރ ސްވިފްޓްގެ ގެއަށް ވަގަށް ވަދެ ނިދާފައި އޮއްވާ މީހަކު ހައްޔަރުކޮށްފި

މަޝްހޫރު ލަވަކިޔުންތެރިޔާ ޓެއިލާ ސްވިފްޓުގެ ގެއަށް ވަގަށް ވަދެ މީހަކު ނިދާފައި އޮއްވާ ހައްޔަރު ކޮށްފިއެވެ.

ޓޭލާ ސްވިފްޓްގެ ގެއަށް ވަދެ ނިދާފައިވަނީ ރޮޖާރ އަލްވަރާޑޯ ނަމަކަށް ކިޔާ މީހެކެވެ. އޭނާ ވަދެ ނިދާފައިވަނީ ޓޭލާ އެމެރިކާގެ ނިއުޔޯކުން ގަނެފައިވާ ގެއަކަށެވެ. ނިއުޔޯކްގެ ފުލުހުން ބުނެފައި ވަނީ އުމުރުން 22 އަހަރުގެ ރޮޖާރ އަލްވަރާޑޯއަކީ ފްލޮރިޑާއަށް ނިސްބަތްވާ މީހެއް ކަމަށެވެ. އޭނާ ވަނީ ޓެއިލާގެ ގެއަށް ވަދެ އޭނާގެ ފާހާނާ ބޭނުންކުރުމަށްފަހު ފެންވަރައި އަދި އެނދުގައި ނިދާފައިވާ ކަމަށް ނިއުޔޯކްގެ ފުލުހުން ބުނެއެވެ. އެމީހާ ޓެއިލާގެ ގެއަށް ވަނީ ވަގަށް އެގޭގެ ދޮރެއް ހަލާކުކޮށްލައިގެން ކަމަށާއި އެވަގުތު ޓެއިލާ ގޭގައި ނޫޅޭ ކަމަށް ޚަބަރުތައް ބުނެއެވެ.

ޓެއިލާ ސްވިފްޓަށް މަރުގެ އިންޒާރު ދިން ފްރޭންކް އެންޑްރިވް އަށް 10 އަހަރުގެ ޕްރޮބޭޝަނެއް އޭނާ ރަނގަޅުވާން ވަނީ ދީފައެވެ.

އޭނާއަށް ޕްރޮބޭޝަނެއް ދީފައިވަނީ 2016 ވަނަ އަހަރުގެ އޮކްޓޯބަރު މަހުގައި ބޭއްވި ފޯމިއުލާ ރޭސް މުބާރާތް ފަށަން ބޭއްވި ހަފުލާގައި ޓެއިލާ ޕާފޯމް ކުރި ފަހުން ޓެއިލާއަށް މަރުގެ އިންޒާރުދީ ހަމަލާދޭން މަސައްކަތް ކުރުމުންނެވެ. އަދި 2016 ވަނަ އަހަރުގެ އޮގަސްޓުން ފެށިގެން ފްރޭންކް ވަނީ ޓެއިލާއަށް މަރުގެ އިންޒާރުދީ އޭނާގެ އާއިލާއާއި އޭނާ މަރާލާނެ ކަމަށް ބުނެ އެތަށް އީމެއިލެއް ޓެއިލާއަށް ފޮނުވާފައެވެ. ޓެއިލާގެ އާ އަލްބަމް ރެޕިއުޓޭޝަން ނެރެފައިވަނީ މިދިޔަ އަހަރުގެ ނޮވެމްބަރު މަހުގެ ތެރޭގައެވެ. ޓެއިލާގެ އާ އަލްބަމް ރެޕިއުޓޭޝަން ނެރެފައިވަނީ މިދިޔަ އަހަރުގެ ނޮވެމްބަރު މަހުގެ ތެރޭގައެވެ.