ކ. މާލެ
|
2 އޯގަސްޓް 2018 | ބުރާސްފަތި 12:35
އިޝާން ޚައްތަރު އަދި ޖާންވީ ކަޕޫރު
އިޝާން ޚައްތަރު އަދި ޖާންވީ ކަޕޫރު
ގޫގުލް
ބޮލީވުޑް
ދަޅަކް: 100 ކްރޯޑް ކްލަބަށް ވަދެއްޖެ
 
ކަރަން ވަނީ މި ފިލްމް 100 ކްރޯޑް ކްލަބަށް ވަދެފައިވާ ކަމަށް ބުނެ ޓްވީޓް ކޮށްފައި

ޖާންވީ ކަޕޫރާއި އިޝާން ޚައްތަރު ބޮލީވުޑަށް ތައާރަފް ވެގެން ދިޔަ ފިލްމް "ދަޅަކް" ރިލީޒް ކުރިތާ ދެ ހަފްތާ ވާން ކައިރިވެފައިވާ އިރު، މި ފިލްމަށް އަދިވެސް ދަނީ ބޮކްސް އޮފީހުގައި ބޮޑު އާމްދާނީއެއް ލިބެމުންނެވެ.

މިފިލްމަށް ލިބެމުންދާ ކާމިޔާބީ ފާހަގަކޮށް ބުދަ ދުވަހު ކަރަން ޖޯހަރު ކޮށްފައިވާ ޓްވީޓްގައި ވަނީ އެނާގެ "ދަރްމާ ޕްރޮޑަކްޝަން" ގެ ފިލްމް "ދަޅަކް" ވޯލްޑްވައިޑް ކޮށް 100 ކްރޯޑް ކްލަބަށް ވަދެފައިވާ ކަމަށް ބުނެފައެވެ.

ކަރަން ބުނެފައިވަނީ އަލަށް ތަޢާރަފްވާ ދެތަރިންގެ ފިލްމެއް ވޯލްޑްވައިޑް ކޮށް 100 ކްރޯޑްގެ ކުލަބަށް ވަނުމަކީ މަދުން ނޫނީ ނުވާ ކަމެއް ކަމަށެވެ. އަދި އޭނާ ވަނީ ޖާންވީ އާއި އިޝާން އަށް ޓަކައި ފަޚުރުވެރިވާ ކަމަށް ބުނެފައެވެ.

ޝަޝާކް ކައިތަން ޑައިރެކްޓް ކޮށްފައިވާ މި ފިލްމް ވެފައިވަނީ ބޮލީވުޑަށް އަލަށް ތައާރަފްވި ދެތަރިން ކުޅުނު ފިލްމް ތަކުގެ ތެރެއިން ފިލްމް ރިލީޒްކުރި ފުރަތަމަ ދުވަހު އެންމެ ބޮޑު އާމްދަނީއެއް ލިބުނު ފިލްމަށެވެ.

އެގޮތުން މި ފިލްމަށްވަނީ ފިލްމް އެޅުވި ފުރަތަމަ ދުވަހު އާމްދަނީގެ ގޮތުގައި 8.50 ކުރޯޑް ރުޕީޒް ލިބިފައެވެ.

މި ފިލްމުން ބޮލީވުޑަށް އަލަށް ތައާރަފްވެފައިވާ ޖާންވީ ކަޕޫރަކީ ބޮލީވުޑްގެ ކާމިޔާބު ބަޠަލާ ސްރީ ދޭވީގެ ދަރިފުޅެވެ. އަދި ދަޅަކްގެ ފިރިހެން ލީޑްގެ ގޮތުގައި ބޮލީވުޑަށް ތަޢާރުފުވާ އިޝާން ޚައްތަރަކީ ޝާހިދް ކަޕޫރުގެ އެއްބަނޑު ކޮއްކޮ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހުމަދު ފައިރޫޒު
0%
0%
0%
0%
0%
0%
ކޮމެންޓް