ކަރީނާއާއި ސިދާތު އެކީގައި ފިލްމެއްގެ ލީޑު ރޯލުން
23 އެޕްރީލު 2018 | ހޯމަ 06:24ހަބަރުތައް ބުނާގޮތުގައި އެފިލްމަކީ ލޯބީގެ ފިލްމެއް
ކަރީނާ އާއި ސިދާތު
ކަރީނާ ކަޕޫރު ވިހެއުމަށް ފަހު ކުޅޭ ފުރަތަމަ ފިލްމަކީ ވީރޭ ދި ވެޑިންއެވެ. އެ ފިލްމު އަންނަ ޖޫންމަހުގެ 1 ގައި ސިނަމާތަކަށް އަންނާނެއެވެ.
ކަރީނާގެ ވީރޭ ދިވެޑިން އަށް ފަހު އޭނާ ވަނީ އެހެން ޕްރޮޖެކްޓެއްގައި މިހާރު ސޮއި ކޮށްފައެވެ. ސިދާތު މަލޯތުރާއާއި އެކު ލީޑު ރޯލުން ފެނިގެންދާ މިފިލްމަކީ ކަރަން ޖޯހަރުގެ ދަރްމާ ޕްރޮޑަކްޝަންގެ ފިލްމެކެވެ.
މި ފިލްމުގެ ޑައިރެކްޓަރަކީ ރާޖް މެހެތާ އެވެ.މިފިލްމު ވެގެންދާނީ ކަރީނާއާއި ސިދާތު އެއްފިލްމަކުން ލީޑު ރޯލުން ފެނިގެންދާނެ ފުރަތަމަ ފިލްމަށެވެ. އެހެން ނަމަވެސް ފިލްމު ބްރަދާޒްގެ ލަވައެއްގައި ކަރީނާއާއި ސިދާތު އެއްކޮށް ކުޑަކޮށް ފެނިފައިވެއެވެ. އެއީވެސް ދަރްމާ ޕްރޮޑަކްޝަންގެ ފިލްމެކެވެ.
ކަރީނާއާއި ސިދާތު އެކީގައި ކަރަން ޖޯހަރުގެ ފިލްމަކުން ފެންނާނެކަން ކަށަވަރުވެފައިވާއިރު އަދި އެފިލްމުގެ ނަމެއް އަދި ޝޫޓިން ފަށާނެ ދުވަހެއް ހާމަ ކޮށްފައެއްނުވެއެވެ.
ޚަބަރުތައް ބުނާގޮތުގައި އެފިލްމަކީ ލޯބީގެ ފިލްމެކެވެ. އަދި މި ފިލްމަށް އިތުރު ދެ ތަރިން ކަރަން ހޯދާނެކަމަށް ވެސް ޚަބަރުތައް ބުނެއެވެ.
ސިދާތު އެންމެ ފަހުން ކުޅުނު ދަރްމާގެ ފިލްމަކީ 2016 ގައި ރިލީޒް ކުރި ބާރް ބާރް ދޭކޯ އެވެ."ވީރޭ ދި ވެޑިން" ވެގެންދާނީ ކަރީނާ ކަޕޫރު ވިހެއުމަށް ފަހު އެންމެ ފުރަތަމަ ފެނިގެންދާނެ ފިލްމަށެވެ. އަދި މިއީ ކަރީނާ ކަޕޫރާއި ސޯނަމް ކަޕޫރާއި ސްވަރާއި ބާސްކަރު އަދި ޝިކާ ތަލްސާނިއާ، މި ހަތަރު ތަރިން ވެސް އެކީގައި ފެންނާނެ ފުރަތަމަ ފިލްމެވެ. މި ފިލްމުގެ ޑައިރެކްޓަރަކީ ޝަޝަންކާ ގޯޝްއެވެ.
