މިފަހަރު ރިތިކްގެ އުފަންދުވަސް ފާހަގަ ކުރީ މީޑިއާ އާއި އެކީގައި

ރިތިކް ރޯޝަންއަށް 44 އަހަރު ފުރުނީ އިއްޔެއެވެ.

ރިތިކްގެ އުފަން ދުވަސް މިފަހަރު ފާހަގަ ކޮށްފައިވަނީ މީޑިއާއި އެކީގައެވެ.

ރިތިކް ވަނީ އިއްޔެ އޭނާގެ ގޭގެ ބޭރުގައި ތިން ކޭކު މީޑިއާގެ ހާޒިރުގައި ފަޅާފައެވެ. އޭނާ ވަނީ އުފަން ދުވަސް މީޑިއާއާއި އެކީގައި ފާހަގަ ކުރުމަށް ފަހު އެތަނަށް ހާޒިރުވެ ތިބި މިޑިއާގެ ފަރާތްތަކާއެކީ ފޮޓޯ ވެސް ނަގާފައެވެ.

ރިތިކްއަށް މިފަހަރު އުފަން ދުވަހުގެ ތަހުނިޔާ ފޮނުވާފައިތިބި މީހުންގެ ތެރޭގައި އޭނާގެ ކުރީގެ އަންހެނުން ސުޒާން ޚާން ހިމެނެއެވެ. އޭނާ ބުނެފައި ވަނީ އަބަދުވެސް އޭނާގެ ހަޔާތުގައި ރިތިކް ވާނެކަމަށާއި އުފާވެރި އުފަން ދުވަހަކަށް އެދޭ ކަމަށެވެ.

ރިތިކްއާއި ސުޒާން ޚާން ވަރިވެފައިވަނީ 2014 ވަނަ އަހަރުގައެވެ. ވަރިވިއިރު 2 ދަރިން ވަނީ ލިބިފައެވެ.

ރިތިކް އަކީ ބޮލީވުޑްގެ މަޝްހޫރު ޑައިރެކްޓަރު އަދި ޕްރޮޑިއުސަރު ރާކޭޝަން ރޯޝަންގެ ދަރިއެކެވެ. ރިތިކް މަޝްހޫރު ވެގެން ދިޔައީ އޭނާގެ ފުރަތަމަ ފިލްމު އަދި އޭނާގެ ބައްޕަ އުފެއްދި "ކަހޯނާ ޕިޔާރްހޭ" އިންނެވެ. އެފިލްމު ވެގެންދިޔައީ 2000 ވަނަ އަހަރު އެންމެ ހިޓުވި ފިލްމަށެވެ.