ސޯނަމް ކަޕޫރަށް މިއަހަރަކީ ވެސް ވަރަށް ބުރަ އަހަރެކެވެ. އޭނާގެ ހަތަރު ފިލްމެއް މިއަހަރު ރިލީޒްވެގެންދާއިރު އޭނާ އަންނީ އެ ފިލްމުތަކުގެ މަސައްކަތްތައް ކުރަމުންނެވެ.
ސޯނަމް ބުނީ ފިލްމު ޑައިރެކްޓްކުރުން އެއީ އޭނާ ވަރަށް ކުރާހިތްވާ ކަމެއް ކަމަށާއި އަދި އެކަން ނުކުރެވި އޮތީ އޭނާ ބިޒީކަމުން ކަމަށެވެ. އަދި އޭނާއަށް ނޭވާލާނެ ވަގުތެއް ލިބޭއިރަށް ފިލްމު ޑައިރެކްޓް ކުރުމައިގެން އުޅެންވީ ކަމަށް ސޯނަމް ބުންޏެވެ.
ސޯނަމް ބުނީ އޭނާ ޑައިރެކްޝަނައިގެން އުޅެން، އެއްވެސް ފިލްމެއްގެ މަސައްކަތް ނުކޮށް އަހަރެއްހާ ދުވަސް ބޭނުންވާނެ ކަމަށެވެ.
"ފިލްމު ޑައިރެކްޓް ކުރަން ވަރަށް ބޭނުން. އެހެން ނަމަވެސް މިހާރު މިކުޅޭ ފިލްމުތަކަކީ ވަރަށް ކުޅޭ ހިތުން ކުޅޭ ފިލްމުތަކެއް ވީމަ އަދި އިހަށް ޑައިރެކްޝަނާއި ދުރުގައި މިއުޅެނީ. ޑައިރެކްޓް ކުރަން ބޭނުން ނަމަ އަހަރެއްހާ ދުވަސް ބޭނުންވާނެ އެކަމަށް ރެޑީ ވާން،" ސޯނަމް ބުންޏެވެ.
ސޯނަމް ބުނީ އެކްޓުކުރުމަކީ ވެސް އޭނާ ކުރާހިތްވާ ކަމެއް ކަމަށެވެ. "ޕެޑްމޭން"، "ވީރޭ ދިވެޑިން" އަދި "ދަތު ބަޔޯޕިކް" މިއަހަރު ރިލީޒްވާނެއެވެ. ސޯނަމް ދަނީ އަންނަ ފެބްރުއަރީމަހުގެ 9 ވަނަ ދުވަހު ރިލީޒްކުރާ "ޕެޑްމޭން" ޕްރޮމޯޓްކުރުމުގެ މަސައްކަތް ކުރަމުންނެވެ. ސޯނަމް ބުނީ މިއަހަރަކީ ވަރަށް ބުރަ އަހަރެއް ކަމަށާއި ފިލްމު ކުޅުމަށް ވުރެ އިތުރަށް އެހެން ޕްލޭނެއް ނެތް ކަމަށެވެ.
ސޯނަމް އަށް ވަނީ 64 ވަނަ ނެޝަނަލް ފިލްމު އެވޯޑުން އެންމެ މޮޅު އެކްޓްރެސް ކަމުގެ އެވޯޑް ލިބިފައެވެ. އެ އެވޯޑް އޭނާއަށް ލިބުނީ 2016 ވަނަ އަހަރު އޭނާ ކުޅުނު ފިލްމު "ނީރާޖް" އިންނެވެ.
