ސިދާތު "ރޭސް 3" ނުކުޅެން ނިންމައިފި
2 އޮކްޓޯބަރު 2017 | ހޯމަ 03:45ސިދާތު ނޫނެކޭ ބުނީ އޭނާއަށް މި ފިލްމުގެ ސްކްރިޕްޓު ކަމު ނުގޮސްގެން
ސިދާތު މަލޯތުރާ
ކާމިޔާބު ފިލްމު ސީރީޒް 'ރޭސް'ގެ ތިން ވަނަ ފްރަންޗައިޒް "ރޭސް 3" އިން ސިދާތު މަލޯހްތުރާ ނުފެންނާނެ ކަމަށް ރިޕޯޓްތައް ބުނެފިއެވެ.
ޚަބަރުތައް ބުނާ ގޮތުގައި މި ފިލްމަށް ސިދާތު ނޫނެކޭ ބުނީ އޭނާއަށް މި ފިލްމުގެ ސްކްރިޕްޓު ކަމު ނުގޮސްގެންނެވެ. އޭނާއަށް މި މިލްމުގައި އެކްޓު ކުރަން ހުށައެޅުމުން އެންމެ ފުރަތަމަވެސް ސްކްރިޕްޓް ކިޔުމަށްފަހު ނޫނެކޭ ބުނެފައިވާ ކަމަށް ޚަބަރުތައް ބުނެއެވެ.
ސިދާތު "ރޭސް3" އަށް ނޫނެކޭ ބުނެފައިވާއިރު މި ފިލްމުގައި މިހާތަނަށް އެކްޓް ކުރާނެ މީހުންކަމަށް ޔަގީން ވެފައިވަނީ ސަލްމާން ޚާންގެ އިތުރުން ޑެއިޒީ ޝާހުގެ އިތުރުން ސޮނާކްޝީ ސިންހާ ނުވަތަ ޓީވީ އެކްޓްރެސް މޯނީ ރޯއިއެވެ.
މި ތިން ތަރިންނަކީ ވެސް މިފިލްމުގެ ލީޑުން ފެނިގެންދާނެ ތަރިންނެވެ.
"ރޭސް" ގެ ފުރަތަމަ ފިލްމު ނެރެފައި ވަނީ 2008 ވަނަ އަހަރުގައެވެ.އަދި ދެވަނަ ފިލްމު "ރޭސް2" ބެލުންތެރިންނާއި ހަމައަށް އައިސްފައި ވަނީ 2013 ވަނަ އަހަރުގައެވެ.
