އެއްލޯމަރާލައިގެން މަޝްހޫރުވި ޕްރިޔާ މިފަހަރު އިސްތިހާރަކުން
ޕްރިޔާ މިފަހަރު ފެނުނީ ޗޮކްލެޓް އިސްތިހާރަކުން
ޕްރިޔާ ޕްރަކާޝް
އުމުރުން އެންމެ 18 އަހަރުގެ މަލަޔާލަމް އެކްޓެރެސް ކަމަށްވާ ޕްރިޔާ ޕްރަކާޝްއަކީ ފިލްމީ ދުނިޔެއަށް އާ ތަރިއެކެވެ. އޭނާ ކުޅުނު އެންމެ ފުރަތަމަ ފިލްމުގެ ލަވަ ވައިރަލްވެ ޕްރިޔާ ކުޅުނު ފިލްމުގެ ލަވައިން އޭނާ ވަނީ މުޅިދުނިޔެއަށް މަޝްހޫރު ވެފައެވެ. އެއީޕްރިޔާ ކުޅެފައިވާ ފުރަތަމަ ފިލްމު އަދި މަލަޔާލަމް ފިލްމު "އޮރު އަދާރް ލަވް"ގެ ލަވައެއް ކަމަށްވާ "ނިކްޔާ މަލަރަޔާ ޕޫވީ" އެވެ.
މުޅި ދުނިޔޭން ޕްރިޔާއަށް ސަމާލުކަން ލިބުނު އިރު އޭނާ ވަނީ ސޯޝަލް މީޑިއާ ފަތަހަ ކޮށްފައެވެ. އެގޮތުން އޭނާގެ އިންސްޓަގްރާމްގެ ފޮލޯ ވާސް ވަނީ ކުޑަދުވަސްކޮޅެއްގެ ތެރޭގައި މިހާތަނަށް އިންޑިއާގެ މީހަކަށް ނުލިބޭ ވަރަށް ތަރުހީބު ލިބި އެތަށް މިލިއަނަށް އަރާފައެވެ.
މިތަރުހީބުތަކާއި އެކީ ޕްރިޔާ މިވަނީ އިސްތިހާރަކުން ފެނިގެން ގޮސްފައެވެ. އިންޑިއާގެ 12 ބަހަކުން ޑަބްކޮށްފައިވާ މި އިސްތިހާރަށް ވެސް ދަނީ ތައުރީފު އޮހެމުންނެވެ. މި އިސްތިހާރަކީ ނެސްލޭ ބްރޭންޑުގެ ޗޮކްލެޓެއް ކަމަށްވާ މަންޗީގެ އިސްތިހާރެކެވެ.
ޕްރިޔާ މީގެ ކުރިން ބުނެފައިވަނީ އޭނާ އަށް ފުރުސަތު ލިބިއްޖެ ނަމަ ބޮލީވުޑްގައި މަސައްކަތްކުރަން ބޭނުން ކަމަށާއި އެ ގޮތުން ޝާހްރުކް ޚާނާއި ރަންވީރު ސިންގް އަށް ވަރަށް ސަޕޯޓްކުރާ ކަމަށާއި އެ ގޮތުން ޝާހްއާ އެކު ފިލްމެއް ކުޅުމަކީ އޭނާގެ ހުވަފެނެއް ކަމަށެވެ.
