އޮސްކާ ހާސިލްކޮށްފައިވާ ހެލެން މިރެންއަށް ޗެލްޕިން އެވޯޑް ލިބޭނެކަން ހާމަކޮށްފިއެވެ.

ޗެލްޕިން އެވޯޑަކީ ކޮންމެ އަހަރަކު ފިލްމީ ދާއިރާގައި މަސައްކަތް ކުރާ ފަރާތްތަކުގެ މެދުގައި ފާހަގަކޮށްލެވޭ ފަރާތްތަކަށް  ފިލްމް ސޮސައިޓީ އޮފް ލިންކަން ސެންޓަރުން ދޭ އެވޯޑެކެވެ.

މި އެވޯޑް ހެލެން މިރެން އަށް އަރުވާނީ އަންނަ އަހަރުގައި ބާއްވާ ޗެލްޕިން އެވޯޑުގެ ހަފްލާގައެވެ. އެ ހަފްލާ އޮންނާނީ އަންނަ އަހަރުގެ އެޕްރީލް މަހުގެ 30 ގައެވެ.

މިފަހަރު ބާއްވާ ޗެލްޕިން އެވޯޑަކީ 45 ވަނަ ޗެލްޕިން އެވޯޑެވެ.

އުމުރުން 72 އަހަރުގެ ހެލެން ވަނީ ފިލްމީދާއިރާގައި 50 އަހަރަށް ވުރެ ގިނަ ދުވަހު ޚިދުމަތް ކޮށްފައެވެ. މި އެވޯޑް ހަފްލާގައި އޭނާ ފިލްމީދާއިރާއަށް ކޮށްދީފައިވާ މަސައްކަތުގެ އަގު ވަޒަން ކުރާނެ ކަމަށް ރިޕޯޓްތައް ބުނެއެވެ.

ޗެލްޕިން އެވޯޑަކީ 1972 ވަނަ އަހަރުން ފެށިގެން ދެމުން އަންނަ އެވޯޑެކެވެ.

މީގެ ކުރިން ޗެޕްލިން އެވޯޑް ލިބުނު ފަރާތްތަކުގެ ތެރޭގައި އެލްފްރެޑް ހިޗްކޮކް، ބިލީ ވައިލްޑަރ، ލޮރެންސް އޮލިވިއަރ، ފެޑެރީކޯ ފެލިނީ، އެލިޒަބަތް ޓެއިލާ، މެރީލް ސްޓްރީޕް، ޓޮމް ހޭންކްސް އަދި ރޮބާޓް ރެޑްފޯޑް ހިމެނެއެވެ.