މިފަހަރުގެ މިސް ޔުނިވާސްއަކަށް ސައުތު އެފްރިކާގެ ޑެމީ ލީ
27 ނޮވެމްބަރު 2017 | ހޯމަ 06:14ޑެމީ ލީ ބިޒްނަސް މެނޭޖްމަންޓް އިން ޑިގްރީ ހަދާފައިވަނީ ނޯތު ވެސްޓު ޔުނިވާސިޓީއިން
މިސް ޔުނިވާސްގެ މަގާމު ހޯދި ޑެމީ ލީ
މިފަހަރުގެ މިސް ޔުނިވާސްއަކަށް ސައުތު އެފްރިކާގެ ޑެމީ ލީ ހޮވިއްޖެއެވެ.
އޭނާގެ ބޮލުގައި މިސް ޔުނިވާސްގެ ތާޖު އެޅުވީ މިދިޔަ އަހަރުގެ މިސް ޔުނިވާސް ފްރާންސްގެ އައިރިސް މިޓެނާއެވެ. ޑެމީ ލީ ބިޒްނަސް މެނޭޖްމަންޓް އިން ޑިގްރީ ހަދާފައިވަނީ ނޯތު ވެސްޓު ޔުނިވާސިޓީއިންނެވެ.
ޑެމީ ލީ ވަނީ އޭނާ އަށް ލިބޭ ހުސްވަގުތުތަކުގައި އަންހެނުންގެ ހައްގަށް މަސައްކަތް ކުރުމާ އަދި އަންހެނުން ބާރުވެރިކުރުމަށް މަސައްކަތް ކޮށްފައެވެ. މިސް ޔުނިވާސްގެ އެވޯޑް ހަފްލާ މިފަހަރު ބާއްވާފައިވަނީ ލަސް ވެގަސް އެކްސެސް ތިއޭޓާ ގައެވެ.
ޑެމީ ލީ ބޮލުގައި މިސް ޔުނިވާސްގެ ތާޖު އަޅުވަނީ
މިސް ވޯލްޑްގެ ރަނަރަޕަކީ މިސް ކޮލަމްބިއާ ލައުރާ ގޮންޒަލޭޒްއެވެ. ދެވަނަ ރަނަރަޕަކީ މިސް ޖެމެއިކާ ޑެވީނާ ބެނެޓްއެވެ. އެކި ގައުމުތަކުން ޖުމްލަ 92 އަންހެނުން މިފަހަރުގެ މިސް ޔުނިވާސްގައި ވަނީ ބައިވެރިވެފައެވެ.
އުމުރުން 22 އަހަރުގެ ޑެމީ ލީއަށް މިސްޔުނިވާސްގެ އެވޯޑާއެކު އެއްއަހަރު ދުވަހުގެ އުޖޫރަ އަދި އެމެރިކާގެ ނިއުޔޯކްއިން ލަގްޒަރީ އެޕާޓްމަންޓަކާއި އަދި އެހެނިހެން އިނާމްތައް ވެސް ލިބެއެވެ.
