ވަރުންގެ އޮކްޓޯބަރ ސިނަމާތަކަށް

ވަރުން ދަވަންގެ އެންމެ ފަހުގެ ފިލްމު އޮކްޓޯބަރ ސިނަމާތަކަށް އައިސްފައި ވަނީ މިދިޔަ ހުކުރު ދުވަހުގައެވެ.

އެފިލްމަށް ފުރަތަމަ ދުވަހުން ލިބުނީ 5.04 ކުރޯޑް އިންޑިއަން ރުޕީސް ކަމުގައި ވިއަސް ދެވަނަ ދުވަހު ވަނީ ފުރަތަމަ ދުވަހު ލިބުނު އަދަދަށް ވުރެ 48 ޕަސެންޓު މައްޗަށް ޖައްސާލާފައެވެ. މި ފިލްމު ރިލީޒްކުރިތާ ދެވަނަ ދުވަހުގައި ފިލްމަށް ވަނީ 7.47 އާއި އެކު ޖުމްލަ 12.51 ކުރޯޑް އިންޑިއަން ރުޕީސް ލިބިފައެވެ.

އޮކްޓޯބަރ ގައި ވަރުން ކުޅެފައި ވަނީ ހޮޓެލް މެނޭޖްމެންޓް ކިޔަވާ ކުއްޖެއްގެ ރޯލެވެ. "ހޮސްޕިޓަލިޓީ ފީލްޑް" އަށް އޭނާ ޓްރެއިނިން ހަދާ އޭނާ މީހަކަށް ވުމަށް ކުރާ މަސައްކަތް އޮކްޓޯބަރ އިން ފެނިގެންދެއެވެ.

މި ފިލްމު ޑައިރެކްޓް ކޮށްފައިވަނީ ސުޖިތު ސިރްކާސްއެވެ.

މި ފިލްމުގައި ވަރުންއާއި އެކު ފެނިގެންދަނީ ބިނީތާ ސަންދޫ އެވެ. ބިނީތާ ސަންދޫއަކީ ބޮލީވުޑަށް އަލަށް ތައާރަފް ވާ ތަރިއެކެވެ.