\"ރާޒީ\" ސިނަމާތަކަށް އަންނާނީ އަންނަ މެއި މަހުގެ 11 ގައި

ބޮލީވުޑްގެ ތަރި އާލިއާ ބަޓް އާއި އޭނާގެ މަންމަ ސޯނީ ރަޒްދާން އެއް ފިލްމަކުން ފެނިގެންދާ ފިލްމު "ރާޒީ" ސިނަމާތަކަށް އަންނާނީ އަންނަ މެއިމަހުގެ 11 ގައެވެ. މެގްނާ ގުލްޒާރު ޑައިރެކްޓްކޮށް ކަރަން ޖޯހަރު ޑައިރެކްޓްކުރާ މި ފިލްމުގެ ޝޫޓިން މިހާރު ވަނީ ނިންމާލާފައެވެ. ރާޒީގެ ލީޑު ރޯލުން ފެނިގެންދާނީ އާލިއާ ބަޓްގެ އިތުރުން ވިކީ ކައުޝަލްއެވެ. ޖަންގްލީ ޕިކްޗާސް އާއި ކަރަން ޖޯހަރުގެ ދަރްމާ ޕްރޮޑަކްޝަންސް އިން ޕްރޮޑިއުސްކުރާ މި ފިލްމަކީ "ކޯލިން ސެހްމަތް" ނަމަކަށް ކިޔާ ފޮތަކަށް ބިނާކޮށް އުފައްދާ ފިލްމެކެވެ.

ފިލްމުގައި ޕާކިސްތާނުގެ ސިފައިންގެ މީހަކާއި ކަޝްމީރުގެ އަންހެނަކު ކައިވެނިކޮށްގެން އުޅޭއިރު އަންހެން މީހާއަކީ އިންޑިއާގެ ޖާސޫސީ އިދާރާގެ ޖާސޫސެކެވެ. އާލިއާ ފެނިގެން ދަނީ އެ އަންހެން މީހާގެ ރޯލުންނެވެ.

އަލިއާގެ މަންމަގެ ރޯލު މި ފިލްމުން ފެނިގެންދަނީ އޭނާގެ އަސްލު މަންމަ ސޯނީ ރަޒްދާނެވެ. "ރާޒީ" ގައި އާލިއާގެ ކޯ އެކްޓަރަކީ "މަސާން" ގެތަރި ވިކީ ކޯޝަލް އެވެ. މިއީ ދެ ތަރިންގެ ޖޯޑު ސްކްރީނުން ފެންނާނެ ފުރަތަމަ ފިލްމެވެ. ފިލްމުގައި އާލިއާގެ ފިރިމީހާގެ ރޯލުން ފެނިގެންދާ ވިކީ ކޯޝަލްއަކީ ޕާކިސްތާނުގެ މިލިޓަރީ އޮފިސަރެކެވެ.