ކ. މާލެ
|
5 ސެޕްޓެންބަރ 2017 | އަންގާރަ 10:28
"ހައްދު"ގެ ޕޯސްޓަރެއް
"ހައްދު"ގެ ޕޯސްޓަރެއް
ރާއްޖެއެމްވީ
"ހައްދު"
"ހައްދު" މާދަމާ ދިވެހި ސިނަމާތަކަށް
 
މި ފިލްމުގެ ހުރިހާ ޝޯއެއްގެ ޓިކެޓް ވެސް ވިއްކާނީ 100ރ. އަށް

ޑައިރެކްޓަރ އަބްދުލް ފައްތާހުގެ "ހައްދު" ސިނަމާތަކަށް މާދަމާ އަންނާނެއެވެ.

ފައްތާހު ބުނީ މާދަމާ ހަވީރު 4 ޖަހާއިރު މާލޭ ޝްވެކް ސިނަމާގައި ފިލްމު އެޅުވުމުގެ ގޮތުން ޚާއްސަ ރެޑް ކާޕެޓް އިވެންޓެއް ބާއްވާނެކަމަށެވެ.

މާލޭގެ ޝްވެކް ސިނަމާގައި ބާއްވާ އިވެންޓަކީ ޚާއްސަ ފަރާތްތަކާއި މީޑިއާގައި ހަރަކާތްތެރިވާ މީޙުންނަށް ޚާއްސަކޮށްގެން ބާއްވާ އިވެންޓެކެވެ.

ފައްތާހު ބުނީ މާލޭ ޝްވެކް ސިނަމާއާއި ހުޅުމާލޭ ޝްވެކް ސިނަމާގައި މާދަމާ ރޭ 8:30 އިން ފެށިގެން ފިލްމު އަޅުވަން ފަށާނެކަމަށެވެ. އަދި މާދަމާ ރޭ 9 ޖަހާއިރު އޮލިމްޕަހުގައި އަޅުވާނެކަމަށެވެ.

މި ފިލްމުގެ ހުރިހާ ޝޯއެއްގެ ޓިކެޓް ވެސް ވިއްކަނީ 100ރ. އަށް ކަމަށް ފައްތާހު ބުންޏެވެ.

ތަރިންގެ ރޯލުން ފެނިގެން ދަނީ މުހައްމަދު ރަޝީދު (ދަރާ)، މަރިޔަމް ޝަކީލާ، އާރިފާ އިބްރާހީމް، ފައުޒިއްޔާ އަދި މަރިޔަމް ހަލީމް، މަރިޔަމް އައްޒަ، އައިމިނަތު ރިޝްފާ އަދި މި ދާއިރާއަށް އަލަށް ތައާރަފްވާ ޝިބާން އަހުމަދު، އަލީ އާޒިމް (ދޮންއައްޔަ) އާއި އަހުމަދު ނަޖާހް އެވެ.

މިއީ ވާހަކަ ލިޔުންތެރިޔާ މަހުދީގެ ވާހަކައެއްގެ މައްޗަށް ބިނާކޮށް އުފައްދާފައިވާ ވާހަކައެކެވެ.

މި ފިލްގެ މަންޒަރުތައް ނަގާފައި ވަނީ ހއ. ކެލާ، ރ. ވާދޫ، މާލެ އަދި މާލެ ކައިރި ރިސޯޓްތަކުގައެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
67%
33%
0%
ކޮމެންޓް